Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Արարատ Գրիգորյանի շնորհավորական ուղերձը Բուժաշխատողների օրվա կապակցությամբ
21.06.2021
Սիրելի՛ բուժաշխատողներ,
Առողջապահական համակարգի հարգարժա՛ն ներկայացուցիչներ, շնորհավորում եմ ձեզ մասնագիտական տոնի՝ Բուժաշխատողի օրվա կապակցությամբ:
Ձեր արժանապատիվ, քրտնաջան աշխատանքը, անշուշտ, անփոխարինելի է և մշտապես մեծագույնս արժևորվում է բոլորիս կողմից:
Սակայն, դժվարին այս ժամանակահատվածում, հատկապես ուզում եմ ի սրտե երախտագիտությունս հայտնել ձեր անձնուրաց աշխատանքի և անմնացորդ նվիրումի համար: Շնորհակալություն ձեր համբերության, համառության և անքուն օրերի համար, որոնք օգնում են մեզ հաղթահարել մեր առջև ծառացող մարտահրավերները:
Բուժաշխատողի վեհ կոչումը պահանջում է բարձր հատկանիշներ՝ խորը գիտելիքներ, բացառիկ ջանասիրություն, սեփական գործին լիարժեք նվիրվածություն և կարեկցելու ունակություն:
Հայ ժողովրդի համար այս դժվարին ժամանակահատվածում դուք լավագույնս դրսևորեցիք այդ բոլոր հատկանիշները՝ ցուցաբերելով բացառիկ խիզախություն և անձնվիրաբար ձեր կյանքը վտանգելու պատրաստակամություն՝ ուրիշներին փրկելու համար:
Խոնարհումս մեր բոլոր բուժաշխատողներն, ովքեր և՛ համավարակի ողջ ընթացքում, և՛ 44-օրյա պատերազմի ժամանակ հանդես եկան որպես առաջամարտիկ և մեր զինվորների հետ ուս-ուսի կանգնեցին հայրենիքի և հայ ժողովրդի պաշտպանության գործին:
Հարգելի՛ բուժաշխատողներ,
Այն գինը, որը մենք ձեզ պարտական ենք ձեր համարձակ ծառայության համար, գերազանցում է արտահայտելու մեր կարողությունը:
Շնորհավորում եմ ձեզ, մաղթում՝ նոր նվաճումներ և հաջողություններ ձեր դժվարին, բայց արժանապատիվ գործում: Թող առողջությունը, երջանկությունը և բարեկեցությունը մշտապես ուղեկից լինեն ձեզ և ձեր սիրելիներին:
