Վայոց ձորի մարզպետի աշխատակազմ

    2021թ. ՀՀ Վայոց ձորի մարզից ՀՀ ՏԿԵ նախարարություն է ներկայացվել մարզի համայնքների սոցիալական և տնտեսական ենթակառուցվածքների զարգացմանն ուղղված սուբվենցիոն ծրագրերի 46 հայտ:
Հայտերի գնահատման միջգերատեսչական հանձնաժողովի կողմից հավանության է արժանացել 15 ամբողջական փաթեթ:

     Ներկայացված 8 ամբողջական փաթեթ այս պահին լրամշակման փուլում է: Մնացած 22 ծրագրերի մասով համայնքների կողմից իրականացվում է նախագծա-նախահաշվային փաստաթղթերի կազմման աշխատանքներ:

     Հավանության արժանացած 15 փաթեթներով նախատեսվում է իրականացնել հետևյալ աշխատանքները.

•  Ջերմուկ համայնքի Կարմրաշեն գյուղական բնակավայրում լուսավորության ցանցի կառուցում:
•  Ջերմուկ քաղաքում ճոպանուղու շինությունների հիմնանորոգում և նորերի կառուցում:
• Եղեգնաձոր քաղաքի Չարենց և Թամանցիներ փողոցների նորոգում:
•  Եղեգնաձոր քաղաքի Սևակի 1, 3, 5 և Միկոյանի 10, 11, 12 բազմաբնակարան բնակելի շենքերով պարփակված բակերի բարեկարգում:
•  Եղեգնաձոր համայնքի աղբատար մեքենայի ձեռքբերում:
•  Եղեգնաձոր քաղաքի հրապարակի նորոգում:
• Եղեգնաձոր համայնքի Ալավերդյան փողոցի և Կամո փողոցի (Երևանյան խճուղուց մինչև Անդրանիկի փողոց) նորոգում
•  Գլաձոր համայնքի Գետափ բնակավայրի ներհամայնքային ճանապարհի ասֆալտապատում (մինչև հին գերեզմաններ):
•   Գլաձոր համայնքի Վերնաշեն բնակավայրի գազիֆիկացում:
•   Գլաձոր համայնքի 11-րդ փողոց, թիվ 9 հասցեում գոյություն ունեցող մշակույթի տան վերահատակագծում և կցակառույցի իրականացում:
•  Զառիթափ համայնքի կարիքների համար արևային ֆոտովոտային կայանի կառուցում :
•  Զառիթափ համայնքի Զառիթափ և Գոմք բնակավայրերի գլխամասային կառույցների, ջրագծերի և ջրատարի հիմնանորոգման աշխատանքներ` Զառիթափի <Յոթ աղբյուրներ> ջրագծի 100գծմ, <Քարհանքի> գlխամասային կառույցի և Գոմք բնակավայրի <Սեիդ գոլ> գլխամասային կառույցների կապիտալ վերանորոգում:
• Զառիթափ համայնքի Խնձորուտ և Նոր Ազնաբերդ բնակավայրերի խմելու ջրի ջրագծերի, գլխամասային կառույցների արտաքին և ներքին ցանցերի հիմնանորոգման աշխատանքներ:
• Մալիշկա համայնքի ներհամայնքային փողոցների մասնակի ասֆալտապատում (0.5կմ):
• Մալիշկա համայնքի ներհամայնքային փողոցների մասնակի ասֆալտապատում, Մալիշկա համայնքի 20-րդ փողոց 24 հասցեից մինչև 26-րդ փող տուն 20 հասցե:
   

 Նշված ծրագրերի իրականացման նպատակով  ՀՀ օրենսդրությամբ սահմանված կարգով համայնքների կողմից արդեն հայտարարվել են մրցույթներ: