Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ռազմագիտությանը նվիրված խաղ-մրցույթ Բարձրունու միջնակարգ դպրոցում
05.05.2021
Մայիսի 5-ին Բարձրունու միջնակարգ դպրոցի դահլիճում տեղի ունեցավ ռազմագիտությանը նվիրված խաղ-մրցույթ: Երեխաները մրցույթին մասնակցում էին երեք խմբով՝ կարմիր՝ <Ազգ>, կապույտ՝ <Բանակ> և նարնջագույն` <Հաղթանակ>:
Միջոցառմանը ներկա էին Վայոց ձորի մարզպետի խորհրդական Ա. Դավթյանը և մարզպետարանի կրթության, մշակույթի և սպորտի վարչության պետ Ա. Ղազարյանը:
Կրթօջախի կրտսեր դասարանների աշակերտները իրենց պարով դիմավորեցին հյուրերին և ազդարարեցին մրցույթի մեկնարկը: Վայոց ձորի մարզպետարանի կրթության, մշակույթի և սպորտի վարչության պետ Ա. Ղազարյանը բարձր գնահատեց աշակերտների գիտելիքները ռազմագիտության և առաջին օգնության բնագավառներում և մասնակիցներին մաղթեց հաճելի խաղ:
Խաղը կայացավ 3 փուլով, որտեղ առաջին փուլում խմբերին տրվում էին համապատասխան ոլորտների վերաբերյալ հարցեր: Երկրորդ փուլը նախատեսում էր բլից հարցեր, ըստ որի յուրաքանչյուր թիմից մեկ ներկայացուցիչ պետք է պատասխանի 5 հարցի, և երրորդ փուլը՝ գործնական աշխատանք: Հարցերը ներառված էին առաջին օգնության, ռազմագիտության, հայոց պատմության և հայոց լեզվի բնագավառներից:
Մրցույթի արդյունքներով առավելագույն միավորներ վաստակեց <Ազգ> թիմը, որի մասնակից աշակերտները ստացան պատվոգրեր:
