Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետը պարգևատրել է հրաձգության հանրապետական մրցմանը հաջողություններ արձանագրած մասնակիցներին
26.04.2021
Այսօր ՀՀ Վայոց ձորի մարզպետ Արարատ Գրիգորյանը պատվոգրերով և հուշանվերներով խրախուսել է հրաձգության հանրապետական մրցմանը հաջողություններ արձանագրած մասնակիցներ՝ Գլաձորի համայնքապետարանի աշխատակազմի քարտուղար Մարինե Հովհաննիսյանին և Մալիշկայի համայնքապետարանի ներկայացուցիչ Արթուր Գիվարգիզյանին:
Հիշեցնենք, որ ՀՀ պետական մարմինների շուրջ 400 աշխատակից մարտի 22-25-ը մասնակցել է ՀՀ կրթության, գիտության, մշակույթի և սպորտի նախարարության նախաձեռնած հրաձգության հանրապետական մրցմանը:
Մարզպետը պարգևատրել է Մարինե Հովհաննիսյանին տեղական ինքնակառավարման մարմինների աշխատակիցների միջև հրաձգության կանանց անհատական պայքար անվանակարգում հանրապետական մրցումներում 1֊ին տեղը, իսկ Արթուր Գիվարգիզյանին՝ տղամարդկանց անհատական պայքար անվանակարգում 2-րդ տեղը զբաղեցնելու համար:
Շնորհավորելով մասնակիցներին՝ մարզպետը մաղթեց նրանց բեղմնավոր աշխատանք և նորանոր ձեռքբերումներ՝ նշելով, որ մրցույթում մարզը ներկայացնող մասնակիցների արձանագրած տպավորիչ արդյունքները մեծ պատիվ է ամբողջ մարզի համար:
