Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
<Արենի և հարակից գյուղերի ժառանգության հանգույցի վերականգնում> ծրագրի շրջանակներում հանդիպում-քննարկում
24.03.2021
Նախապես ձեռք բերված պայմանավորվածության համաձայն <Արփա> բնապահպանական հիմնադրամի կենտրոնական գրասենյակում <Արենի և հարակից գյուղերի ժառանգության հանգույցի վերականգնում> ծրագրի շրջանակներում տեղի ունեցավ աշխատանքային հանդիպում-քննարկում, որին մասնակցում էին ՀՀ Վայոց ձորի մարզպետարանի զարգացման ծրագրերի, վերլուծության և զբոսաշրջության բաժնի պետ Արամ Կոստանյանը, մարզպետի տեղակալի օգնական Աշխեն Հայրապետյանը, Արենի համայնքի ղեկավար Հուսիկ Սահակյանը, բնակավայրերի վարչական ղեկավարները, համայնքապետարանի աշխատակազմի անդամներ, ներկայացուցիչներ ՀՀ էկոնոմիկայի նախարարության զբոսաշրջության կոմիտեից, <Պատմամշակութային արգելոց-թանգարանների և պատմական միջավայրի պահպանության ծառայություն> ՊՈԱԿ-ից, <Արենի-1> քարայր կոնսորցիումից։
Իտալական ARS Progetti կազմակերպության և <Արփա> բնապահպանական հիմնադրամի ներկայացուցիչները համառոտ ներկայացրեցին ծրագրի հայեցակարգը:
Մասնակիցները ծանոթացան մշակութային ժառանգության պահպանության, օգտագործման և հանրահռչակման շրջանակում նախատեսվող կատարվելիք ծրագրերին:
Այնուհետև տեղի ունեցավ ծրագրերի մանրամասն քննարկում:
Ինչպես արդեն նշել էինք ARS Progetti ձեռնարկության նպատակն է գինու տուրիզմի զարգացմանը զուգահեռ բարելավել ողջ տարածաշրջանի զբոսաշրջային ոլորտը: Ծրագրի գործառույթների մեջ ներառվում են զարգացման պլանների մշակում, գինու տուրիզմի զարգացում, անհրաժեշտ զբոսաշրջային ենթակառուցվածքների, ճանապարհների վերանորոգում և այլ կարևորության գործերի կատարման ենթածրագրեր:
Քննարկաման արդյունքում մշակվելու է ռազմավարություն, որը վերջնական կհամաձայնեցվի մասնակից բոլոր կողմերի հետ:
