Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Արարատ Գրիգորյանի հանդիպումը <Արփա> բնապահպանական հիմնադրամի ներկայացուցիչների հետ
18.02.2021
Ս/թ փետրվարի 17-ին, նախնական պայմանավորվածության համաձայն, <Արփա> բնապահպանական հիմնադրամի այցելուների կենտրոնում ՀՀ Վայոց ձորի մարզպետ Արարատ Գրիգորյանը, մարզպետի խորհրդական Արմեն Դավթյանը, մարզպետարանի գյուղատնտեսության և բնապահպանության վարչության պետ Գեղամ Մարգարյանը հանդիպեցին <Արփա> բնապահպանական հիմնադրամի խորհրդի նախագահ Արսեն Մաթևոսյանի, հիմնադրամի տնօրեն Արուս Ներսիսյանի և փոխտնօրեն Արթուր Լևոնյանի հետ:
Հանդիպման ընթացքում ներկայացվեց հիմնադրամի գործունեությունը և տեղեկատվություն տրամադրվեց համայնքների զարգացման ծրագրերի վերաբերյալ, որոնք իրականացվում են Բնության համաշխարհային հիմնադրամի հայաստանյան գրասենյակի և Կովկասի բնության հիմնադրամի հետ համատեղ:
Քննարկվեց 2021թ. արոտավայրերի և խոտհարքների կայուն կառավարման պլանը, որտեղ արոտների արդյունավետ և նպատակային օգտագործման համար կերային կուլտուրաների մշակության մեջ հարկավոր է ներդնել նոր ծրագրեր: Անդրադարձ է կատարվել վայրի կենդանիների (գորշ արջ) և մարդու միջև միջտեսակային գոյության պայքարի խնդիրների լուծմանը, մարզում բնության պահպանության մեխանիզմների բարելավմանը, էկոհամակարգի հավասարակշռությանը, կաթնասունների կազմին և թվաքանակին (մուֆլոն, բեզոարյան այծ, ընձառյուծ), ինչպես նաև համայնքների զարգացման տեսլականին:
Բնության համաշխարհային հիմնադրամի հայաստանյան գրասենյակը պատրաստվում է իր գործունեությունը ծավալել նաև Եղեգիս և Գլաձոր համայնքներում:
