Վայոց ձորի մարզպետի աշխատակազմ

  Հունվարի 22-ին ՀՀ Վայոց ձորի մարզպետ Արարատ Գրիգորյանի մոտ կայացավ աշխատանքային հերթական խորհրդակցությունը:
Մարզպետ Արարատ Գրիգորյանը հետաքրքրվեց նախորդ խորհրդակցության ընթացքում քննարկված հարցերով, առանձնապես՝

-մարզի համայնքների ավագանիների կողմից բյուջեների քննարկմանը և հաստատմանը նվիրված նիստերի կազմակերպման գործընթացով և բյուջեներին ամրագրված սեփական եկամուտների հավաքագրման արդյունքներով,

-մարզի տարածքում իրականացվելիք քաղաքաշինական և վերանորոգման ծրագրերով և դրանց նախագծերում կատարվելիք փոփոխությունների ընթացքով,

-Վայոց ձորի տարածքով անցնող մայրուղու եզրերին կառուցված ինքնակամ շինությունների օրինականացման (եթե բավարարում են պահանջներին) կամ ապամոնտաժման գործընթացներով,

-Վայոց ձորի մարզ գարնանացան սերմացուի ներկրման նախապատրաստման աշխատանքներով,

-մարզւմ անասնագլխաքանակի հաշվառման արդյունքներով,

գյուղատնտեսական կենդանիների մոտ վարակիչ հիվանդությունների կանխարգելման նպատակով մարզին տրամադրվելք պատվաստանյութերի համապատասխան քանակի ձեռք բերման գործընթացով,

-<<Վարձատրվող հասարակական աշխատանքներ>> ծրագրերի կատարման աշխարհագրությամբ,

-Վայոց ձորում ժամանակավորապես բնակվող արցախցիների զբաղվածության ապահովման հարցերով,

-Արցախյան պատերազմում զոհված զինծառայողների, անհետ կորածների և վիրավորների խնդիրներին վերաբերող հարցերով,

-սուբվենցիոն ծրագրերի հայտերի ներկայացման ընթացքով,

- հողերի և հողամասերի աճուրդ-վաճառքներ կազմակերպելու կամ վարձակալության հանձնելու գործընթացի նկատմամբ խստացված հսկողություն իրականացնելու և հողերի օգտագործման նշանակության փոփոխման ընթացակարգի պահանջների պահպանման խնդիրներով,

մարզպետարանի կարիքների համար գնումների կազմակերպման գործընթացով,

-դպրոցների դասասենյակներում համապատասխան ջերմային ռեժիմի պահպանման և այլ հարցերով:

  Մարզպետարանի կրթության, մշակույթի և սպորտի վարչության պետին մարզպետը հանձնարարեց այցելել դպրոցներ՝ պարզել աշակերտների բացակայությունների պատճառները և հաջորդ խորհրդակցության ժամանակ բացակայությունների վերաբերյալ ներկայացնել հստակ տեղեկություններ:

   Արարատ Գրիգորյանը կարևորեց մարզպետարանի ընտանիքի կանանց և երեխաների իրավունքների պաշտպանության բաժնի կողմից տնայցերի կազմակերպման միջոցով խնդիրների վերհանումը և դրանց չեզոքացմանն ուղղված աշխատանքները և հանձնարարեց շարունակել տնայցերը, խմբում ներգրավելով նաև բժիշկ մասնագետների:

  Մարզպետը հանձնարարեց քաղաքաշինության վարչության տրանսպորտի և ճանապարհաշինության բաժի պետին՝ մշտապես ուշադրության կենտրոնում պահել ճանապարհների սպասարկման խնդիրները, առանձնապես՝ խստորեն վերահսկել մարզի տարածքով անցնող Մ2 մայրուղու ավտոճանապարհի մարզային տարածքի ձմեռային սպասարկումը՝ ձյան տեղումների ժամանակ:

   Արարատ Գրիգորյանը մարզպետարանի զորահավաքային նախապատրաստության բաժնի պետին հանձնարարեց նախապատրաստվել քաղպաշտպանության դասընթացները լավագույնս կազմակերպելու համար:

   Խորհրդակցության ավարտին մարզպետ Արարատ Գրիգորյանը մասնակիցներին հանձնարարեց հաջորդ երկութաբթի օրը անցկացվելիք խորհրդակցությանը ներկայացնել շաբաթվա ընթացքում կատարվելիք ծրագրերը և բոլորին մաղթեց արդյունավետ աշխատանք: