Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տեղեկատվություն ՀՀ Վայոց ձորի մարզի Գլաձոր համայնքում սուբվենցիոն ծրագրերով իրականացված աշխատանքների մասին
23.12.2020
Ներկայացնում ենք ՀՀ Վայոց ձորի մարզի համայնքների տնտեսական և սոցիալական ենթակառուցվածքների զարգացմանն ուղղված սուբվենցիոն ծրագրերով իրականացվող աշխատանքների մասին տեղեկատվություն, որն այս անգամ վերաբերում է Գլաձոր համայնքում իրականացված ծրագրերին:
Գլաձոր խոշորացված համայնքի Գլաձոր և Վերնաշեն բնակավայրերում սուբվենցիոն ծրագրերով կատարվել են վերանորոգման, գազիֆիկացման, ցամաքուրդի (դրենաժ) և ջրաչափական հորերի կառուցման աշխատանքներ:
Ավարտվել են Գլաձոր բնակավայրի մշակույթի տան դահլիճի նորոգման և նույն շենքի գազիֆիկացման, ինչպես նաև բնակավայրի որոշ փողոցների գազիֆիկացման համալրման աշխատանքները: Գլաձոր բնակավայրում ավարտվել նաև ցամաքուրդի (դրենաժ) կառուցման աշխատանքները:
Համայնքի Վերնաշեն բնակավայրում կառուցվել են ջրաչափական հորեր:
Գլաձոր խոշորացված համայնքում նշված աշխատանքներն իրականացնելու համար, 2020 թվականին միջգերատեսչական հանձնաժողովի կողմից հաստատվել էր համայնքից ներկայացված սուբվենցիոն 3 ծրագրային հայտ՝ իր ենթածրագրերով, որոնք ամբողջությամբ իրականացվել են:
