Վայոց ձորի մարզպետի աշխատակազմ

 Սիրելի՛ տարեցներ,
Սիրով ու ջերմ բարեմաղթանքներով շնորհավորում եմ ձեզ՝ Տարեցների միջազգային օրվա կապակցությամբ:
   Սիրելինե՛րս, մեծ երջանկություն է լինել ձեր կողքին, ապրել կյանքի փիլիսոփայությամբ հարստացած մեր տատիկ պապիկների հետ, դասեր առնել ձեր փորձից, ամեն օր ստանալ ձեր օրհնությունը: Իսկ եթե կյանքի պայմանների բերումով ձեր կողքին չենք, ապա մենք ձեզ հիշում ենք յուրաքանչյուր օր, միշտ մտածում ձեր կյանքը ավելի լավը դարձնելու մասին: Թեև  ազգային նկարագրի կարևորագույն բաղկացուցիչ է ավագ սերնդի նկատմամբ հոգատարություն ու հարգանք տածելու ավանդույթը: Բայցև Տարեցների միջազգային օրը ևս մեկ առիթ է ձեզ գնահատելու, ձեր մասին հոգ տանելու, առավել հոգատար լինելու և նշելու մեր անձնական և երկրի հասարակական կյանքում ձեր ունեցած մեծ ներդրումի ու դերակատարության մասին:
Դուք եք մեզ շահել-պահել, տքնաջան աշխատանքով  մեզ մեծացրել և մեր մեծանալուն զուգահեռ, հասել ծերության շեմին՝ երախտապարտ ենք ձեզ: Դուք եք եղել նաև մեր պատմական արժեքները կրողը, պահպանողն ու փոխանցողը: Մեծ է ձեր վաստակը նաև Հայաստանի Հանրապետության կայացման, նրա պատմության վայոցձորյան ձեր հատվածի կերտման գործում: Ձեր հարուստ կենսափորձն այսօր վառ օրինակ է երիտասարդ սերնդի համար՝ շնորհակալ ենք ձեզ:
Սիրելի՛ տարեցներ, համոզվա՛ծ եղեք, որ ձեզ համար սոցիալական ու կենսական արժանապատիվ պայմաններ ապահովելու խնդիրները մշտապես գտնվում են մարզային իշխանությունների ուշադրության կենտրոնում և մենք մեր լիազորությունների և հնարավորությունների սահմաններում անելու ենք ամեն հնարավորը, որպեսզի բարելավենք ձեր կյանքի որակը, երջանիկ ծերություն ունենալու համար: Դուք վաստակել են երջանիկ ծերության իրավունքը:

Վայոց ձորի ծերունազարդ բնակիչներ. կրկին շնորհավորում եմ ձեզ՝ Տարեցների միջազգային օրվա կապակցությամբ:
Ապրեցե՛ք խաղաղությամբ, եղեք առողջ ու երջանիկ: