Տեղեկատվական կենտրոն
Նորություններ
Վայոց ձորի մարզպետարանում քննարկվեց քարտեզ սխեմայում չներառված որսահանդերում գյուղատնտեսական նշանակության հողատարածքներում, վարձակալության հանձնված արոտավայրերում որսի կազմակերպման խնդիրները
06.08.2020
Օգոստոսի 5-ին Վայոց ձորի մարզպետարանում ՀՀ Վայոց ձորի մարզպետ Արարատ Գրիգորյանի գլխավորությամբ կայացավ հանդիպում-քննարկում, հետևյալ օրակարգով.
1.ՀՀ կառավարության 2016 թվականի օգոստոսի 18-ի N860-Ն որոշմամբ հաստատված քարտեզ սխեմայում չներառված որսահանդերում, գյուղատնտեսական նշանակության հողատարածքներում, վարձակալության հանձնված արոտավայրերում որսի կազմակերպման դեպքերի վերաբերյալ քննարկում:
2. Վայրի և գիշատիչ կենդանիների կողմից Վայոց ձորի մարզի բնակչությանը (01.04.2020-01.08.2020-ն ընկած ժամանակահատվածում) հասցված վնասների ամփոփ վերլուծություն:
Քննարկմանը մասնակցեցին մարզպետարանի գյուղատնտեսության և բնապահպանության վարչության պետը, Արենի, Եղեգիս, Զառիթափ համայնքների ղեկավարները, ՀՀ ԱԻՆ փրկարար ծառայության Վայոց ձորի մարզային փրկարարական վարչության պետը , Բնապահպանության և ընդերքի տեսչական մարմնի Վայոց ձորի տարածքային բաժնի ներկայացուցիչը, <Վայրի բնության և մշակութային արժեքների պահպանման հիմնադրամի>, <Արփա բնապահպանական լանդշավտի>, <Բնության համաշխարհային հիմնադրամի> Հայաստանյան մասնաճյուղի, <<Բեզոար>> բնապահպանական հիմնադրամի, <Սաֆարի ինտերնացիոնալ> հայ-իտալական համատեղ ձեռնարկություն> ՍՊԸ ներկայացուցիչները:
Առաջին հարցի քննարկման արդյունքում պայմանավորվածություն ձեռք բերվեց համայնքների ղեկավարների և մարզպետարանի համապատասխան աշխատակիցների համատեղ խմբի կողմից մարզի համայնքների որսահանդակների քարտեզագրման վերաբերյալ, որպեսզի արգելվի որսորդությամբ զբաղվելը, գյուղատնտեսական նշանակության հողատարածքներում, վարձակալության հանձնված արոտավայրերում և այլ գյուղ-նշանակության հողատեսքերում:
Երկրորդ հարցի քննարկման և վերլուծության արդյունքում <Վայրի բնության և մշակութային արժեքների պահպանման հիմնադրամի>, <Արփա> բնապահպանական լանդշավտի, <Բնության համաշխարհային հիմնադրամի> Հայաստանյան մասնաճյուղի, <Բեզոար> բնապահպանական հիմնադրամի ներկայացուցիչների հետ պայմանավորվածություն ձեռք բերվեց վայրի կենդանիների կողմից բնակչությանը հասցված վնասները փոխհատուցելու նպատակով ֆինանսական միջոցներ հատկացնելու վերաբերյալ: