Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Արարատ Գրիգորյանը ողջունել է 2020 թվականի ամառային զորակոչի վայոցձորյան մեկնարկի զինակոչիկներին
07.07.2020
Այսօր ՀՀ Վայոց ձորի մարզում մեկնարկեց 2020 թվականի ամառային զորակոչը:
Զորակոչի առաջին հավաքին ներկա էր ՀՀ Վայոց ձորի մարզպետ, մարզային զորակոչային հանձնաժողովի նախագահ Արարատ Գրիգորյանը:
Մարզպետը ողջունեց բոլորին, բարի ճանապարհ, խաղաղ ու անվտանգ ծառայություն մաղթեց զորակոչիկներին, նշելով, որ նրանք գնում են ստանձնելու հայրենիքի պաշտպանի պատվաբեր ու պատասխանատու, բայցև դժվարին դերը:
<Հայրենիքը, սեփական ընտանիքը, հարազատների կյանքը հակառակորդի ոտնձգություններից պաշտպանելը և երկրի սահմաններն անառիկ պահելը յուրաքանչյուր հայ մարդու սրբազան պարտքն է, իսկ զինվորի համար նաև պարտականություն է, -նշեց Արարատ Գրիգորյանը>:
Մարզպետը դիմացկունություն ու դժվարությունները հաղթահարելու կանք մաղթեց զինակոչիկներին և հորդորեց ծառայության ընթացքում բարձր պահել զինվորի անունն ու պատիվը, արժանապատվորեն կրել զիվորականի կոչումը, պահպանել զինվորական կարգ ու կանոնը, սիրել զինակից ընկերներին, հարգել Հայոց բանակի սպաներին:
Տարածքում հակահամաճարակային կանոնների պահպանման պահանջներն ապահովելու համար կազմակերպիչների կողմից արվել էր համապատասխան նախապատրաստական աշխատանքներ:
