Վայոց ձորի մարզպետի աշխատակազմ

  Այսօր՝ հուլիսի 2-ին, Հայաստանի Հանրապետությունում մեկնարկել են միասնական քննությունները:
  Քննությունների անցկացման համար բացվել է 47 քննական կենտրոն։ Վայոց ձորում այն տեղակայված է Եղեգնաձորի ավագ դպրոցում:

  Հանրապետության ողջ տարածքում քննությունների մեկնարկի  առաջին օրն անցկացվել է օտար լեզուների միասնական քննությունը, որի համար  47 կենտրոններից Երևանում ու մարզերում գործել է 24 քննական կենտրոն, 8-ը՝ մայրաքաղաքում:
   Հանձնվող առարկաներն են՝ ռուսերեն, անգլերեն, գերմաներեն, ֆրանսերեն, իսպաներեն և իտալերեն: Վայոց ձորի մարզում օտար լեզվի քննությանը մասնակցել է 33 շրջանավարտ:

    Ինչպես քննության մեկնարկին, այդպես էլ ողջ ընթացքում պահպանվել են հակահամաճարակային բոլոր կանոնները՝ նախքան քննասենյակ մտնելն աշակերտները ջերմաչափվել են և ախտահանել ձեռքերը(ձեռնոցով): Կազմակերպիչների և նրանց միջև պահպանվել է սահմանված սոցիալական հեռավորությունը։