Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

<Ջերմուկի առողջության կենտրոն> ՓԲԸ-ի 3 աշխատակիցներ պարգևատրվել են ՀՀ Վայոց ձորի մարզպետի պատվոգրով

24.06.2020

 ՀՀ Վայոց ձորի մարզպետարանի առողջապահության և սոցիալական ապահովության վարչության պետ Վասիլ Ասլանյանը, պետի տեղակալ Լիլիա Կարապետյանը հունիսի 23-ին այցելել են <Ջերմուկի առողջության կենտրոն>:
Նրանք հանդիպել են կենտրոնի տնօրեն Մանուշակ Նալբանդյանի և աշխատակիցների հետ, շնորհավորել բուժաշխատողներին մասնագիտական տոնի կապակցությամբ և շնորհակալություն հայտնել Ջերմուկ քաղաքի (ներառյալ՝ Կեչուտը) բնակչության առողջության պահպանման գործում, ինչպես նաև նոր կորոնավիրուսային հիվանդության (COVID-19) համավարակի դեմ պայքարում ներդրած ջանքերի և ցուցաբերած մասնագիտական հմտությունների համար:
Այնուհետ, ՀՀ Վայոց ձորի մարզպետ Արարատ Գրիգորյանի անունից, բուժաշխատողների մասնագիտական տոնի կապակցությամբ պատվոգրեր են հանձնել կենտրոնի տնօրեն Մանուշակ Նալբանդյանին, բժշկուհի Նաիրա Հարությունյանին և շտապ օգնության վարորդ Հովսեփ Հովսեփյանին:
Վարչության պետը և տեղակալը զրուցել են ԱԿ-ի աշխատակիցների հետ, ծանոթացել առկա իրավիճակին և քննարկել հետագա անելիքները:

 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2020-07-05 18:00:25