Վայոց ձորի մարզպետի աշխատակազմ

 Հայ օգնության ֆոնդի (ՀՕՖ) Այո հարթակը նոր տիպի կորոնավիրուսային հիվանդության (COVID 19) համավարակի դեմ պայքարի շրջանակներում ՀՀ Վայոց ձորի մարզի բուժհաստատություններին նվիրատվության կարգով տրամադրել է անհրաժեշտ պաշտպանիչ միջոցներ.
1. արտահագուստ՝ 90 հատ,
2. դիմակ՝ 5000հատ,
3. դեմքի պաշտպանիչ վահան՝ 10 հատ,
4. ձեռնոց N 100՝ 10 տուփ, 
5. բժշկական խալաթ՝ 1000 հատ,
6. բժշկական գլխարկ՝ 1000 հատ,
7. բախիլ՝ 1000 հատ,
8. վարակազերծ նյութ(պրեսեպտ հաբեր)՝ 2400 հատ,
9. ջերմաչափ՝ 8 հատ:

Վերը նշված պաշտպանիչ միջոցները տրամադրվել են Եղեգնաձորի բժշկական կենտրոնին, Վայքի բուժմիավորմանը, Ջերմուկի առողջության կենտրոնին, <Հռիփսիմե> գյուղական բժշկական ամբուլատորիային և Արենիի, Աղավնաձորի, Զառիթափի, Մալիշկայի առողջության առաջնային պահպանման կենտրոններին:

ՀՀ Վայոց ձորի մարզպետ Արարատ Գրիգորյանը շնորհակալություն է հայտնում ՀՕՖ-ի տնօրինությանը և առողջապահական ծրագրերի ղեկավարին՝ COVID 19-ի համավարակի դեմ պայքարի շրջանակներում մարզի բուժհաստատություններին առաջին անհրաժեշտության պաշտպանիչ միջոցներ տրամադրելու և համավարակի դեմ պայքարի աշխատանքներում մարզի բուժաշխատողների ակտիվ ու արդյունավետ մասնակցության ապահովման նպատակով, շարունակական վերապատրաստման դասընթացներ կազմակերպելու համար: