Վայոց ձորի մարզպետի աշխատակազմ

Վայոց ձորի մարզպետ Արարատ Գրիգորյանն այսօր հյուրընկալեց Կիպրահայ ներդրողների, ովքեր մարզում էին  Սփյուռքի հանձնակատար Զարեհ Սինանյանի ուղեկցությամբ: Սփյուռքահայ գործարարները հետևելով  Վարչապետ Փաշինյանի հայրենիքում  ներդրում կատարելու կոչին, որոշեցին ներդրում կատարել Վայոց ձորի Սարավան վարչական շրջանում՝ հիմնելով <<Արեգ Էներգիա>>  արևային կայանը: Այսօր տրվեց էներգակայանի շինարարության մեկնարկը՝ սպասվում է, որ այն կավարտվի մեկ տարուց:

Դավիթ և Ալեքսանդր Պետրոսյաններն ու Աշոտ Մկրտչյանը եկան Հայաստան, ուսումնասիրեցին օրենսդրությունը, քննարկեցին ծրագրեր և տեղում էլ որոշեցին կյանքի կոչել արևային կայանի գաղափարը: Բացման խոսքում Աշոտ Մկրտչյանը նշեց, որ իրենք  որոշեցին իրենց գործարար հայացքն ուղել դեպի Հայաստան:  Նրանք նայում են հույսով և հավատքով դեպի հայրենիք և տեսնում են, որ Հայստանում բացվում են մեծ հնարավորություններ: Երբեք Հայաստանում չեն եղել, վստահել են վարչապետի պնդմանը՝ <<Հայաստանում ներդրումային դաշտը բաց է և պաշտպանված>>:

Գաղափարը ծագել էր, երբ անցյալ տարի Սփյուռքի հանձնակատար Զարեհ Սինանյանը հանդիպել էր Կիպրահայ գործարար համայնքի հետ և առաջարկել ներդրումային ակտիվություն ցուցաբերել հայրենիքում:

Սփյուռքի հանձնակատար Զարեհ Սինանյանը նշեց, որ մենք այլևս ունենք նոր ներդրումային գաղափարախոսություն, մենք ուզում ենք, որ մեր հայրենակիցները գան և ներդում կատարեն Հայաստանում, որովհետ այստեղ նրանք կարող են շահույթ ապահովել: Հայաստանն ունի բարենպաստ ներդրումային միջավայր, իր համար շատ  ողջունելի է սփյուռքահայ ներդրողների այս քայլը և համարում է այն մեկնարկային, լիահույս է, որ սփյուռքահայ ներդրողները էլ ավելի ակտիվորեն կսկսեն ներդրումներ կատարել հայրենիքում

Մարզպետ Արարատ Գրիգորյանը մեծ ուրախությամբ շնորհավորեց ներդրողներին այս որոշիչ մեկնարկի առիթով և վստահեցրեց՝ Վայոց ձորում ցանկացած ներդումային ծրագիր ապահով է, աջակցելու ենք, որ բոլոր գաղափարները սպասվածից ավելի մեծ արդյուքն տան: Ներդրողն այստեղ պաշտպանված է իրավական և  ռիսկերի գնահատման առումով,  մշտապես  կարող է ստանալ խորհրդատվություն ու աջակցությունը : Նա իր խոսքում կարևորեց, որ  մարզում երբևէ չենք ունեցել այնպիսի  ներդրող, ով ժամանակի ընթացքում ցանկություն է հայտնել տեղափոխվել այլ վայր:

10 մեգավատ հզորությամբ Արեգ Էներգակայնի տարածքը 36 հա է, գտնվում է ծովի մակարդակից 1720 մետր բարձրության վրա,  ներդրումային պորտֆեյլը կազմում է 9մլն ԱՄՆ դոլար: Ներդրողները կիառել են նոր տեխնոլոգիա՝ օպտիմալ ղեկավարման համակարգով զինված՝ արևին հետևող շարժական կառույց: Դա հնարավորություն է տալու էներգիա ստանալ անկախ կլիմայական պայմաններից:

Նախատեսվում է, որ կայանի կառուցումից հետո այն աշխատակիցներ կունենա և տեղում և հեռավար ձևաչափով:

<<Արեգ Էներգիան>> ներդրողների միակ նախաձեռնությունը չէ հայրենիքում, բարեհաջող ընթացքի դեպքում կընդլայնեն ներդրումային ոլորտները: Ցանկություն ունեն առաջիկա հինգ տարում մոտ 500 միլիոնի ներդրում կատարել: