Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Շարունակվում են ՀՀ Վայոց ձորի մարզպետ Արարատ Գրիգորյանի այցերը մարզի առողջապահական կազմակերպություններ
12.02.2020
Փետրվարի 12-ին ՀՀ Վայոց ձորի մարզպետ Արարատ Գրիգորյանն այցելեց Արենիի և Աղավնաձորի առողջության առաջնային պահպանման կենտրոններ (ԱԱՊԿ): Արարատ Գրիգորյանին ուղեկցում էին մարզպետարանի առողջապահության և սոցիալական ապահովության վարչության պետի ժամանակավոր պաշտոնակար Վասիլ Ասլանյանը և վարչության պետի տեղակալ Լիլիա Կարապետյանը:
Աղավնաձորի առողջության առաջնային պահպանման կենտրոնում մարզպետին ընդունեց տնօրենի պարտականությունները կատարող Լարա Հարությունյանը, իսկ Արեննի առողջության առաջնային պահպանման կենտրոնում՝ տնօրեն Ասատուր Մկրտչյանը: Մարզպետ Արարատ Գրիգորյանը բուժհաստատությունների տնօրենների ուղեկցությամբ շրջայց կատարեց Աղավնաձորի և Արենիի ԱԱՊԿ-ներում, ծանոթացավ կազմակերպությունների աշխատանքային պայմաններին:
Մարզպետը հանդիպեց նաև առողջապահական կազմակերպությունների աշխատակիցների հետ, լսեց նրանց, զրուցեց բնակչությանը մատուցվող բուժ-ծառայությունների որակի բարելավման և աշխատանքային պայմանների մասին:
Արենիում մարզպետ Արարատ Գրիգորյանը հանդիպեց նաև հիվանդ այցելուների հետ: Մարզպետը զրուցեց բուժհաստատություն եկած հիվանդների հետ, ծանոթացավ նրանց, հուզող հարցերին:
Բուժհաստատություններում առկա խնդիրների, ինչպես նաև առողջական խնդիրներով Արենիի ԱԱՊԿ այցելած քաղքացիների կողմից բարձրաձայնված խնդիրների լուծման նպատակով մարզպետ Արարատ Գրիգորյանը հանձնարարություն տվեց կազմակերպությունների ղեկավարներին և մարզպետարանի աշխատակիցներին:
