Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Կայացավ ՄԱԶԾ "Շենքերի էներգաարդյունավետ արդիականացմանն ուղղված ներդրումների ռիսկերի նվազեցում" նախագծի հանդիպում քննարկումը
03.02.2020
Հունվարի 29-ին Վայոց ձորի մարզպետարանում կայացավ քննարկում-հանդիպում ՄԱԶԾ "Շենքերի էներգաարդյունավետ արդիականացմանն ուղղված ներդրումների ռիսկերի նվազեցում" նախագծի վերաբերյալ:
Հանդիպմանը մասնակցում էին ՀՀ Վայոց ձորի մարզպետ Արարատ Գրիգորյանը, ՄԱԶԾ ներկայացուցիչները, Վայոց ձորի համայնքների ղեկավարները և համայնքապետարանների ներկայացուցիչներ:
Հանդիպման ընթացքում ծրագիրը մանրամասն ներկայացրին և բոլորի հարցերին պատասխանեցին ՄԱԶԾ ներկայացուցիչներ՝ մեդիայի և հասարակայնության հետ կապերի գծով փորձագետ Էրիկ Անթառանյանը, բնակարանային քաղաքականության և բազմաբնակարան շենքի կառավարման գծով փորձագետ Արսեն Կարապետյանը և շինարարության ու էներգաարդյունավետության և վերականգնվող էներգետիկայի փորձագետ Անդրե Օհանյանը:
Ծրագիրն արժանացավ համայնքապետերի հավանությանը: Որոշվեց՝ բնակիչներին ծրագրի հետ ծանոթացնելու նպատակով կազմակերպել համայնքային լսումներ, հավանության դեպքում, դրանք ընդգրկել սուբվենցիոն ծրագրերի հայտերում և ներկայացնել ՀՀ կառավարության համապատասխան հանձնաժողով:
