Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

ՀՀ Վայոց ձորի մարզպետի մոտ կայացավ 2020 թվականի առաջին աշխատանքային խորհրդակցությունը

14.01.2020

    Հունվարի 13-ին ՀՀ Վայոց ձորի մարզպետ Արարատ Գրիգորյանի մոտ կայացավ հերթական աշխատանքային խորհրդակցությունը, որին մասնակցում էին մարզպետի խորհրդականները, մարզպետի օգնականը, մարզպետարանի գլխավոր քարտուղարը և ստորաբաժանումների ղեկավարները:
Խորհրդակցությունը նվիրված էր մարզպետարանի ստորաբաժանումների և ողջ անձնակազմի 2019 թվականի գործունեության և անցած տարվա ընթացքում կատարած աշխատանքների վերաբերյալ հաշվետվությունների ամփոփմանը, ինչպես նաև 2020 թվականի ծրագրերին:
    Մարզպետարանի բոլոր ստորաբաժանումների ղեկավարները ներկայացրին ստորաբաժանմանը վերապահված գործառույթների շրջանակում 2019 թվականի ընթացքում կատարած աշխատանքները և 2020-ի ծրագրերը:
   Մարզպետ Արարատ Գրիգորյանն առանձին-առանձին անդրադարձավ յուրաքանչյուր ստորաբաժանման հաշվետվությանը, արտահայտեց իր նկատառումները և պահանջեց հաշվետվությունները ներկայացնել անհրաժեշտ խմբագրումներով:
Մարզպետը հանձնարարեց 2019 թ. նոր հաշվետվություններում ներառել իր կողմից հնչեցրած հարցերին վերաբերող փաստական և մանրամասն տվյալներ, իսկ 2020 թվականի ծրագրերում ներկայացնել առկա խնդիրների լուծման տարբերակները:
Արարատ Գրիգորյանը նշեց, որ անհրաժեշտ է, որպեսզի մարզպետարանի պատասխանատու պաշտոնատար անձինք 2020 թվականի իրենց գործունեության և սպասվելիք աշխատանքների համար նոր՝ ավելի բարձր, նշաձող սահմանեն՝ գալիք տարեվերջին առավել տեսանելի արդյունքների ապահովման նպատակով:
Խորհրդակցության ավարտին մարզպետ Արարատ Գրիգորյանը խորհրդակցության մասնակիցներին և մարզպետարանի ողջ անձնակազմին մաղթեց արդյունավետ աշխատանքային տարի:

 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2020-02-17 17:58:22