Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետի մոտ կայացավ տարեվերջյան ամփոփիչ խորհրդակցությունը
30.12.2019
Դեկտեմբեր 30-ին ՀՀ Վայոց ձորի մարզպետ Արարատ Գրիգորյանի մոտ կայացավ տարեվերջյան ամփոփիչ խորհրդակցությունը, որին մասնակցում էին մարզպետի օգնականը, խորհրդականները, մարզպետարանի գլխավոր քարտուղարը և ստորաբաժանումների ղեկավարները:
Արարատ Գրիգորյանը խոսեց մարզպետարանի գործունեության արդյունքների մասին, շնորհակալություն հայտնեց խորհրդակցության մասնակիցներին մարզպետի պաշտոնում իր աշխատած երկու ամիսների ընթացքում արդյունավետ համագործակցության համար և շնորհավորեց խորհրդակցության բոլոր մասնակիցներին՝ գալիք Ամանորի ու Սուրբ Ծննդյան տոների կապակցությամբ:
Մարզպետ Արարատ Գրիգորյանը խոսեց նաև անավարտ գործերի, շարունակական ծրագրերի, ինչպես նաև որոշ բացթողումների մասին: Մարզպետը նշեց, որ անհրաժեշտ է լինելու 2020 թվականին աշխատատել բազմապատկված պատասխանատվությամբ և առավել արդյունավետությամբ, ի շահ Վայոց ձորի մարզի զարգացման և վայոցձորցու բարօրության:
Այնուհետ աշխատանքային հարաբերությունների և տարվա ընթացքում կատարված աշխատանքների մասին խոսեց Վայոց ձորի մարզպետարանի գլխավոր քարտուղար Կամո Սահակյանը, շնորհակալություն հայտնելով Արարատ Գրիգորյանին՝ ՀՀ Վայոց ձորի մարզպետի պաշտոնում աշխատած վերջին երկու ամիսների բարձր արդյունավետությամբ աշխատանքի համար և մարզպետարանի բոլոր աշխատակիցների անունից շնորհավորեց նրան Ամանորի և ու Սուրբ Ծննդյան տոների առթիվ: Գլխավոր քարտուղարը նշեց, որ ՀՀ Վայոց ձորի մարզպետարանի ողջ անձնակազմի և կառույցի գործունեությունը հուսալի ու ապահով ձեռքերում է՝ ի դեմս մարզպետ Արարատ Գրիգորյանի:
Ամփոփիչ խոսքում մարզպետ Արարատ Գրիգորյանն ասաց, որ 2020 թվականը լարված աշխատաքնային տարի է լինելու, բայցև համոզմունք հայտնեց, որ համատեղ ուժերով՝ յուրաքանչյուրի պատասխանատու աշխատանքով, կարելի է հասնել ցանկալի այն ադյունքին, որը կդառնա մարզի զարգացման և յուրաքանչյուր վայոցձորցու բարօրության գրավականը:
Խորհրդակցության ավարտին մարզպետ Արարատ Գրիգորյանը կրկին շնորհավորեց բոլորի Ամանորն ու Սուրբ Ծնունդը՝ ջերմ ընտանեկան բարեմաղթանքներով:
