Վայոց ձորի մարզպետի աշխատակազմ

 <Բեզոար> բնապահպանական հիմնադրամը ՀՀ Վայոց ձորի մարզում զբաղվում է բնապահպանությամբ` վայրի կենդանական աշխարհի պահպանմամբ և վերարտադրությամբ:
Հիմնադրամն իր գործունեության ընթացքում Վայոց ձորի մարզի Արենի համայնքի վարչական տարածքում ՀՀ կարմիր գրքում գրանցված Բեզոարյան այծերի և այլ կենդանիների գլխաքանակի պահպանության կտրուկ աճ է գրանցել 7-8անգամ: Ըստ հիմնադրամի ներկայացուցիչների՝ հետագա պահպանության համար տարվում են բոլոր անհրաժեշտ աշխատանքները:
2019 թվականին մարզի տարածքի գորշ արջերի կողմից գյուղացիական և ֆերմերային տնտեսություններին հասցվել է վնաս, ինչպես բուսաբուծությամբ, այնպես էլ անասնաբուծությամբ զբաղվող տնտեսվարողներին:
Հասցված վնասի չափերը գնահատվել են համայնքային և մարզային մասնագիտական համապատասխան հանձնաժողովների կողմից:
Վնասի ընդհանուր չափը կազմել է 3258.400 դրամ:
Մարզային իշխանություների և համապատասխան ստորաբաժանման (գյուղատնտեսության և բնապահպանության վարչություն) աշխատակիցներն ամփոփելով հասցրած վնասի չափը՝ դիմել են Վայոց ձորի մարզում գործող <Բեզոար> բնապահպանական հիմնադրամին: Արդյունքում հիմնադրամի կողմից միանվագ տրամադրվել է 2.0 մլն. դրամի չափով գումար, գյուղացիական տնտեսություններին հասցրած վնասը փոխհատուցելու նպատակով, որը կազմում է վնասի ընդհանուր չափի 61.3%-ը:
Մարզային իշխանություններն և գյուղացիական տնտեսության անդամներն իրենց
խորին շնորհակալությունն են հայտնում հիմնադրամին, գյուղացուն հասցրած գորշ արջի կողմից վնասները հատուցելու համար:
Մարզային իշխանություններն իրենց պատրաստակամությունն են հայտնում՝ <Բեզոար> բնապահպանական հիմնադրամի գործունեությունն առավել նպատակային և արդյունավետ դարձնելու գործում աջակցել հիմնադրամին: