Վայոց ձորի մարզպետի աշխատակազմ

 Դեկտեմբերի 24-ին ՀՀ Վայոց ձորի մարզպետ Արարատ Գրիգորյանը մասնակցեց մարզպետարանում կազմակերպված ՀՀ Վայոց ձորի մարզի (Վայոց ձոր-1, Վայոց ձոր-2, Վայոց ձոր-3, Վայոց ձոր-4, Վայոց ձոր-5, Վայոց ձոր-6 ) միկրոռեգիոնալ մակարդակի համակցված տարածական պլանավորման փաստաթղթերի շրջակա միջավայրի վրա ազդեցության նախնական գնահատման հայտերի և դրանց փորձաքննական գործընթացի վերաբերյալ հանրային քննարկումների 2-րդ փուլի աշխատանքներին։
Մարզպետ Արարատ Գրիգորյանը ողջունեց բոլորին և շնորհակալություն հայտնեց քննարկման կազմակերպիչներին և հաջողություն մաղթեց աշխատանքներին:
ՀՀ քաղաքաշինության պետական կոմիտեի նախագահի տեղակալ Նունե Պետրոսյանը համառոտ ներկայացրեց նախորդ քննարկումից հետո կատարված աշխատանքերը:
ՀՀ շրջակա միջավայրի նախարարության <Բնապահպանական փորձաքննություն> ՊՈԱԿ-ի գլխավոր մասնագետ Նազիկ Մկրտչյանն իր խոսքում կարևորեց տարածքային զարգացման հատակագծերում կանաչ գոտիների նախատեսումը և բնապահպանական բացասական ազդեցության գոտիների օբյեկտներին (աղբավայրեր, մաքրման կայաններ) հատկացվող տարածքների ընտրության համար սահմանված նորմերի պահպանումը, այս դեպքում՝ սահմանված հեռավորության պահպանումը տվյալ բնակավայրերից, գործող ճանապարհներից և ջրային տեղանքներից (աղբյուրներ, գետեր):
Այնուհետև <Հայնախագիծ> ԲԲԸ-ի գլխավոր ճարտարապետ Լիլիթ Բաբայանը և ճարտարապետ Սերոբ Գյուլխանջյանը ներկայացրին համայնքների գործող գլխավոր հատակագծերում առկա անճշտությունների շտկման անհրաժեշտությունն ու հիմքերը:
Մարզպետ Արարատ Գրիգորյանն ամփոփիչ խոսքում կարևորեց բնակավայրերի գործող հատակագծերում առկա թերությունների շտկումը և այդ ուղղությամբ մարզում ձեռնարկվելիք քայլերի համար համապատասխան հանձնարարություններ տվեց մարզպետարանի աշխատակիցներին: