Վայոց ձորի մարզպետի աշխատակազմ

 Օրերս ՀՀ Վայոց ձորի մարզպետ Արարատ Գրիգորյանը հանդիպեց ՄԱԿ-ի զարգացման ծրագրի գրասենյակի ներկայացուցիչների հետ:
ՄԱԶԾ-ն սկսել է <Կանայք և երիտասարդները նորարար համայնքային զարգացման գործընթացներում> ծրագիրը, որը իրականացվում է ՀՀ Տարածքային կառավարման և ենթակառուցվածքների նախարարության հետ համատեղ և Շվեյցարիայի զարգացման և համագործակցության գործակալության ֆինանսավորմամբ:
Ծրագրի նպատակն է՝ բարելավել Հայաստանի տեղական ինքնակառավարման մարմինների հաշվետվողականությունը, արդյունավետությունն ու ներառականությունը՝ մարզային և սոցիալական հավասարակշռությամբ:
Ծրագիրը իրականացվելու է 52 բազմաբնակավայր համայնքներում և ակնկալվում է հետևյալ ընդհանուր արդյունքները.
1. Համայնքային ոլորտային ծառայությունները համատեղ մշակվում, իրականացվում են քաղաքացիների հետ և վերահսկվում են նրանց կողմից,
2. Երիտասարդները առաջխաղացում են ունեցել որպես ապագա առաջնորդներ, փոփոխություններ իրականացնողներ և տեղական ժողովրդավարության խթանողներ,
3. Կանայք առաջխաղացում են ունեցել քաղաքական մասնակցության, տեղական ժողովրդավարության և առաջնորդության ոլորտում:

Հանդիպման ընթացքում քննարկվեցին հետագա համագործակցության հնարավոր տարբերակները և ձեռք բերվեցին մի շարք պայմանավորվածություններ: