Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Արարատ Գրիգորյանն ավարտեց մարզի համայնքներ ճանաչողական այցերը
12.12.2019
Այսօր՝ դեկտեմբերի 12-ին, ՀՀ Վայոց ձորի մարզպետ Արարատ Գրիգորյանը ճանաչողական վերջին այցով եղել է Գլաձոր և Եղեգնաձոր համայնքներում:
Մարզպետ Արարատ Գրիգորյանը Գլաձոր համայնքի ղեկավար Արմեն Մովսիսյանի ուղեկցությամբ աշխատանքային խմբով եղել է համայնքի Գետափ, Գլաձոր և
Վերնաշեն բնակավայրերում, ուր տեղի են ունեցել Արարատ Գրիգորյանի հանդիպումները բնակիչների հետ: Մարզպետը զրուցել է հանդիպման մասնակիցների հետ, ծանոթացել բնակիչներին հուզող հարցերին, տեղեկացել բնակավայրերում առկա խնդիրներին:
Արարատ Գրիգորյանը Գլաձոր և Վերնաշեն գյուղերում այցելել է դպրոցներ, հանդիպել ուսուցիչներին և աշակերտներին, նրանց հետ զրուցել ուսումնառությանն առնչվող հարցերի շուրջ: Մարզպետը դպրոցների տնօրենների ուղեկցությամբ շրջայց է կատարել դպրոցական շենքերում, ծանոթացել դպրոցների շենքային պայմաններին:
Հանդիպումների ընթացքում մարզպետ Արարատ Գրիգորյանը պատասխանել է իրեն ուղղված հարցերին, իսկ բարձրաձայնված այն հարցերը, որոնք ունեցել են վերլուծելու կամ քննարկելու անհրաժեշտություն, գրանցվել են մարզպետին ուղեկցող աշխատանքային խմբի անդամների կողմից, դրանց քննարկումը մարզպետարանում կամ համապատասխան կառույցներում կազմակերպելու նպատակով:
Մարզկենտրոն Եղեգնաձորում հանդիպումը տեղի է ունեցել քաղաքապետարանում, որին մասնակցել են համայնքի ղեկավար Դավիթ Հարությունյանը, համայնքի ավագանու անդամները, քաղաքապետարանի աշխատակիցները, համայնքային ոչ առևտրային կազմակերպությունների աշխատանքային կոլեկտիվները:
