Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Արարատ Գրիգորյանը ճանաչողական այցով կրկին Եղեգիս համայնքում էր
28.11.2019
Այսօր՝ նոյեմբերի 28- ին, ՀՀ Վայոց ձորի մարզպետ Արարատ Գրիգորյանը ճանաչողական այցով կրկին Եղեգիս համայնքում էր։ Արարատ Գրիգորյանին ուղեկցում էին մարզպետի աշխատակազմի աշխատակիցները և մարզպետարանի համապատասխան ստորաբաժանումների ղեկավարները:
Մարզպետ Արարատ Գրիգորյանը, Եղեգիս համայնքի ղեկավար Արթուր Ստեփանյանի ուղեկցությամբ, աշխատանքային խմբով այցելել է Գողթանիկ, Եղեգիս, Հերմոն և Վարդահովիտ բնակավայրեր, ուր նրան ընդունել են ավանդական Աղուհացով:
Հանդիպումների ժամանակ Արարատ Գրիգորյանը զրուցել է բնակիչների հետ, ծանոթացել է նրանց առօրյա խնդիրներին և պատասխանել իրեն ուղղված հարցերին: Գյուղատնտեսությանը և այլ ոլորտներին վերաբերող հարցերին պատասխանել են ոլորտները համակարգող ստորաբաժանումների ղեկավարները:
Բարձրաձայնված մի շարք հարցեր գրանցվել են մարզպետին ուղեկցող աշխատանքային խմբի անդամների կողմից, վերլուծելու և մարզպետարանում այդ հարցերի վերաբերյալ քննարկումներ կազմակերպելու համար:
Վաղը՝ նոյեմբերի 29-ին, մարզպետ Արարատ Գրիգորյանը կայցելի Եղեգիս համայնքի Արտաբույնք, Հորբատեղ և Շատին բնակավայրերը:
