Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Արարատ Գրիգորյանն ընդունել է Հայաստանի Զարգացման և Ներդրումների Կորպորացիայի ներկայացուցիչներին
28.11.2019
Նոյեմբերի 27-ին ՀՀ Վայոց ձորի մարզպետ Արարատ Գրիգորյանն ընդունել է Հայաստանի Զարգացման և Ներդրումների Կորպորացիայի ներկայացուցիչներին՝ Կորպորացիայի (DICA) ֆինանսավարկային վարչության պետ Հայկ Հովհաննիսյանին և Կորպորատիվ բիզնեսի ֆինանսավորման բաժնի ավագ վարկային մասնագետ Արթուր Դարբինյանին։ Հանդիպմանը մասնակցել է նաև մարզպետարանի զարգացման ծրագրերի, զբոսաշրջության և վերլուծության բաժնի պետ Արամ Կոստանյանը:
Մարզպետ Արարատ Գրիգորյանը պատրաստակամություն է հայտնել, օժանդակել Վայոց ձորի մարզում տնտեսության զարգացմանը միտված պետական աջակցության ծրագրերի իրականացմանը։
Այնուհետև մարզպետարանում տեղի է ունեցել հանդիպում Հայաստանի Զարգացման և Ներդրումների Կորպորացիայի (DICA) ներկայացուցիչների և Վայոց ձորի մարզում արտադրություն կազմակերպող, արտահանում իրականացնող, գյուղատնտեսությամբ զբաղվող, ինչպես նաև տուրիզմի ոլորտում գործունեություն ծավալող տնտեսվարողների հետ:
Հայաստանի Զարգացման և Ներդրումների Կորպորացիայի ներկայացուցիչները հանդիպման մասնակիցներին ծանոթացրել են Կորպորացիայի ֆինանսական աջակցության գործիքակազմին:
