Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Կոմիտաս 150 խորագրով միջոցառում՝ Վայքի Խաչատուր Ներսիսյանի անվան արվեստի դպրոցում
21.10.2019
Վայոց ձորի մարզում շարունակվում են Մեծն Կոմիտասի 150 ամյակին նվիրված միջոցառումները:
Հոկտեմբերի 18-ին Վայքի մշակույթի տան համերգային փոքր դահլիճում կայացավ Կոմիտաս-150 խորագրով հերթական միջոցառումը, որը կազմակերպել էր Վայքի Խաչատուր Ներսիսյանի անվան արվեստի դպրոցը, տնօրեն՝ Հասմիկ Առաքելյան:
Միջոցառման ընթացքում ներկայացվեց հայ մեծանուն երգահան, երգիչ, երաժշտական էթնոլոգ, երաժշտագետ, վարդապետ և ուսուցիչ, բանահավաք, խմբավար, մանկավարժ, հայկական ազգային կոմպոզիտորական դպրոցի հիմնադիր Կոմիտասի կյանքն ու գործունեությունը: Կատարվեցին
Կոմիտասյան երգեր և խմբերգեր: Հնչեցին նաև գործիքային կատարումներ:
Միջոցառմանը մասնակցում էին ՀՀ Վայոց ձորի մարզպետարանի, Վայքի քաղաքապետարանի, Վայոց ձորի թեմի ներկայացուցիչներ, արվեստասերներ, ուսանողներ և դպրոցականներ:
Միջոցառման վերջում շնորհակալանքի խոսքեր ասացին Վայոց ձորի մարզպետարանի ԿՄՍ վարչության պետ Արփիար Ղազարյանը, ՏՀԿ բաժնի պետ Սոնա Մարգարյանը, Վայքի Սուրբ Տրդատ եկեղեցու հովիվ Տեր Սեպուհ քահանա Հարությունյանը: Սրտառուչ խոսքով հանդես եկավ Վայքի մշակութային կյանքի լավագույն ներկայացուցիչ, սիրված ուսուցիչ, երկար տարիների խմբավար Գենիկ Գասպարյանը, ով միջոցառման ընթացքում իր կատարումներով հուզեց բոլորին: Միջոցառումն ավարտվեց դպրոցի տնօրենի հանդիսատեսին ուղղված շնորհակալական, իսկ միջոցառման մասնակիցներին ուղղված գնահատանքի խոսքերով:
