Տեղեկատվական կենտրոն
Նորություններ
ՀՀ Վայոց ձորի մարզում իրականացվում են բնապահպանական հարցերի վերաբերյալ վերապատրաստման դասընթացներ
05.06.2019
Այսօր ՀՀ Վայոց ձորի մարզպետարանի նիստերի դահլիճում կայացավ բնապահպանական հարցերի վերաբերյալ վերապատրաստման դասընթաց, որն իրականացվում է ՀՀ պետական կառավարման ակադեմիայի կողմից ՄԱԶԾ ԳԵՀ <Գլոբալ բնապահպանական օգուտների ստեղծում շահագրգիռ կողմերի էկոլոգիական կրթության և իրազեկության բարձրացման միջոցով> ծրագրի շրջանակներում:
Դասընթացը կազմակերպվում է <Պետական կառավարման և տեղական ինքնակառավարման մարմինների ներկայացուցիչների, ինչպես նաև բնական ռեսուրսների կառավարման ոլորտում ներգավված մասնավոր հատվածի ներկայացուցիչների համար բնապահպանական ոլորտում վերապատրաստման դասընթացների կազմակերպում և իրականացում> ծրագրով:
Մարզում վերապատրաստման դասընթացները կազմակերպվում են մի քանի օրով՝ Եղեգնաձորի և Վայքի տարածաշրջանային խմբերով, որոնց մասնակցում են ՀՀ Վայոց ձորի մարզպետարանի համապատասխան ստորաբաժանումների և ՀՀ բնապահպանության և ընդերքի տեսչական մարմնի Վայոց ձորի տարածքային բաժնի աշխատակիցներ, մարզի համայնքների ղեկավարների տեղակալները և համայնքային ծառայողներ: