Վայոց ձորի մարզպետի աշխատակազմ

 Այսօր ՀՀ Վայոց ձորի մարզպետ Տրդատ Սարգսյանի նախաձեռնությամբ կազմակերպվել էր իր աշխատած ժամանակաշրջանում մարզպետարանի թոշակի անցած աշխատակիցներին հանդիսավորությամբ ճանապարհելու միջոցառում: Միջոցառման սկզբում մարզպետը նրանց մաղթեց բարի ճանապարհ և վաստակած հանգիստն առողջությամբ վայելելու հնարավորություն: Այնուհետև մարզպետ Տ. Սարգսյանը շնորհակալագրեր և նվերներ հանձնեց մարզպետարանի գյուղատնտեսության և բնապահպանության վարչության պետ Մարատ Ներսիսյանին, աուդիտի բաժնի պետ Վասակ Կարապետյանին, քարտուղարության առաջին կարգի մասնագետ Քնարիկ Աբրահամյանին, ֆինանսական և սոցիալ տնտեսական զարգացման վարչության գլխավոր մասնագետ Կարինե Սարդարյանին:
Հանգստի անցած անձիք շնորհակալություն հայտնեցին մարզպետին իրենց վաստակը գնահատելու համար, մարզպետին և մարզպետարանի ողջ անձնակազմին մաղթեցին աշխատանքային հաջողություններ, հանուն Նոր Հայաստանի և Վայոց ձորի մարզի զարգացման ու հզորացման: