Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՌԴ Արխանգելսկի մարզի արհմիությունների անդամներից կազմված պատվիրակությունը ՀՀ Վայոց ձորի մարզում
05.10.2018
Ս/թ սեպտեմբերի 19-25-ը ՀՀ Վայոց ձորի մարզի պատվիրակությունը գտնվում էր ՌԴ Արխանգելսկի մարզում:
Հոկտեմբերի 4- ին փոխադարձ այցով Արենի համայնք է ժամանել Արխանգելսկի մարզի արհմիությունների 4 անդամներից կազմված պատվիրակությունը: Հյուրերին դիմավորել են Արենի համայնքի ղեկավար Հուսիկ Սահակյանը, Եղեգիս համայնքի ղեկավար Արթուր Ստեփանյանը և Վայոց ձորի մարզպետի խորհրդական Վասիլ Ասլանյանը:
Պատվիրակության անդամները ծանոթացել են Արենի համայնքի պատմությանը, գինեգործության մշակույթին և եղել Արենիի գինու գործարանում, ուր համտեսել են <Արենի> տեսակի խաղողից պատրաստված անուշահամ գինիներ: Այնուհետև հյուրերը ժամանել են Ջերմուկ առողջարանային քաղաք:
Պատվիրակությունը մասնակցելու է նաև ավանդական <Արենի գինու փառատոնի> 10-րդ հոբելյանական միջոցառմանը, որը նվիրված է լինելու հայազգի լեգենդ, մեծանուն շանսոնյե Շառլ Ազնավուրին:
