Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տոնական միջոցառում նվիրված ՀՀ Անկախության 27-րդ տարեդարձին
21.09.2018
Այսօր՝ սեպտեմբերի 21-ին, Եղեգնաձորի քաղաքային ամֆիթատրոնում տեղի ունեցավ տոնական համերգ` նվիրված Հայաստանի Հանրապետության Անկախության 27-րդ տարեդարձին: Համերգը կազմակերպվել էր ՀՀ Վայոց ձորի մարզպետարանի նախաձեռնությամբ, կազմակերպիչ՝ Եղեգնաձորի մարզային մշակույթի կենտրոն:
Տոնական համերգը մեկնարկեց Հայաստանի Հանրապետության օրհներգով:
Ներկաներին ողջույնի ջերմ խոսքեր հղեց ՀՀ Վայոց ձորի մարզպետի տեղակալ Նանե Ասատրյանը:
Տոնական համերգը կազմակերպվեց և անցկացվեց Վայոց ձորի մարզի մշակութային տարբեր խմբերի և անհատ կատարողների ուժերով: Մասնակցում էին Եղեգնաձորի մարզային մշակույթի կենտրոնի <Մեղեդի> ստուդիայի մենակատարները և դհոլի խումբը, <Բողբոջ> և <Վայոց ձոր> պարային համույթների, Եղեգնաձորի <Ռաֆֆա> պարային համույթի, Վայքի <Անուրջներ> պարային համույթի, Աղավնաձորի Մուրադ Սարգսյանի անվան արվեստի դպրոցի պարի խմբի սաները և անհատ կատարողներ:
Ջերմ մթնոլորտն ու տոնական տրամադրությունը շարունակվեց մինչև ուշ երեկո:
Համերգն ավարտվեց տոնական ու գեղեցիկ հրավառությամբ:
Նշենք, որ Հայաստանի Հանրապետության Անկախության 27-րդ տարեդարձին նվիրված միջոցառումներ են կազմակերպվել նաև ՀՀ Վայոց ձորի մարզի տարբեր համայնքներում, մշակութային ու կրթական հաստատություններում:
