Վայոց ձորի մարզպետի աշխատակազմ

 Արտակարգ իրավիճակների նախարարության համակարգի Վայոց ձորի կառույցի հարգելի աշխատողներ, սրտանց շնորհավորում եմ ձեզ մասնագիտական տոնի` Արտակարգ իրավիճակների նախարարության աշխատողի օրվա կապակցությամբ:
Ստեղծման պահից Հայաստանի փրկարար ծառայության աշխատակիցները հանձն են առել Հայաստանի Հանրապետության բնակչության անվտանգության ապահովման և արտակարգ իրավիճակների հետևանքների վերացման աշխատանքների դժվարին պարտականությունը և առ այսօր պատվախնդրորեն են կատարում իրենց փրկարար առաքելությունը:
Արժանապատվորեն կրելով փրկարարի պատվաբեր կոչումը, ՀՀ ԱԻ նախարարության աշխատակիցները ցանկացած դժվարին պահի և արտակարգ իրավիճակում փորձում են, անգամ անձնազոհության գնով, ապահովել ՀՀ բնակչության անվտանգ կյանքն ու աջակցել նրանց բնականոն կենցաղավարությանը: Ավելին՝ ՀՀ ԱԻՆ փրկարար ծառայության աշխատակիցներն արդեն օգնության ձեռք են մեկնում հարևան երկրներին և այլ պետություններին պատուհասած աղետների հետեւանքների վերացմանը՝ դառնալով Հայաստանի Հանրապետության բարի կամքի դրսևորման խորհրդանիշ և հայ ժողովրդի գթասրտության վառ օրինակ:
Հարգելիներս, դուք ձեր բարձր արհեստավարժության ու անմնացորդ նվիրումի շնորհիվ արժանացել եք մեր հասարակության վստահությանը: Շնորհակալություն ձեզ՝ դժվարությամբ ու վտանգներով լի ձեր աշխատանքը անձնուրացաբար կատարելու համար:
Կրկին շնորհավորում եմ բոլորիդ ՀՀ արտակարգ իրավիճակների նախարարության աշխատողի օրվա կապակցությամբ: Մաղթում եմ անվտանգ ծառայություն: