Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տարեվերջյան հաշվետու համերգ Եղեգնաձորի երաժշտական դպրոցում
13.06.2018
Հունիսի 11-ին Եղեգնաձորի երաժշտական դպրոցի Ֆիլիպ Բալոյանի անվան համերգասրահում տեղի ունեցավ տարեվերջյան հաշվետու համերգ: Համերգին ներկա էին ՀՀ Վայոց ձորի մարզպետի տեղակալ Մելս Հարությունյանը, մարզպետարանի աշխատակազմի կրթության, մշակույթի և սպորտի վարչության գլխավոր մասնագետ Աղասի Հովհաննիսյանը, Եղեգնաձորի տարածաշրջանի հոգևոր հովիվ Տեր-Վազգեն քահանա Հովհաննիսյանը, ծնողներ և հյուրեր: Համերգին ելույթ ունեցան դպրոցի տարբեր բաժիններում սովորող սաներից ընտրված լավագույնները, ինչպես նաև դպրոցի մանկական երգչախումբը: Համերգային ծրագրի ավարտից հետո Գյումրիի <<Վերածնունդ>> միջազգային 10-րդ մրցույթի պատվոգրի կոչմանն արժանացած Էմմի Նազարյանին, դիպլոմակիր Գոհար Մանուկյանին, ինչպես նաև Միրզոյանի անվան հանրապետական մանկապատանեկան մրցույթի <<Հանդիսատեսի համակրանք>> անվանակարգի մրցանակակիր և դիպլոմակիր Մոնիկա Սարգսյանին դպրոցի տնօրինության կողմից հանձնվեցին պատվոգրեր` մրցույթներում Եղեգնաձորի երաժշտական դպրոցը լավագույնս ներկայացնելու համար: Պատվոգրերը մրցանակակիրներին հանձնեցին մարզպետի տեղակալ Մելս Հարությունյանը և երաժշտական դպրոցի տնօրեն Արթուր Կարապետյանը:
