Վայոց ձորի մարզպետի աշխատակազմ

 Ս/թ մայիսի 24-ին Վայոց ձորի մարզային գրադարանում տեղի ունեցավ գրական-երաժշտական ցերեկույթ` նվիրված Հայաստանի Առաջին Հանրապետության հռչակման և Սարդարապատի հերոսամարտի 100 ամյակին: Միջոցառումը կրում էր <<Սարդարապատ` բախտորոշ գոյամարտ>> խորագիրը: Միջոցառման մասնակիցները` թիվ 1 և թիվ 2 հիմնական դպրոցների շնորհալի աշակերտները ` հայրենասիրական ոգին տարածեցին ամբողջ դահլիճում և ևս մեկ անգամ ապացուցեցին, որ հայը և Հայաստանը հավերժ է իր միասնականության գաղափարով: Ցերեկույթը կազմակերպվել էր գրադարանի սպասարկման բաժնի աշխատակիցների կողմից: Միջոցառման պատվավոր հյուրերն էին ՀՀ ՊՆ 4-րդ բանակային կորպուսի Եղեգնաձորի զորամասի սպաները և զինվորները: