Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Համատեղ նիստ ՀՀ Վայոց ձորի մարզպետարանում
12.04.2018
Այսօր ՀՀ Վայոց ձորի մարզպետի տեղակալ Մելս Հարությունյանի մոտ տեղի ունեցավ խորհրդակցություն ,,Առավել տարածված ոչ վարակիչ հիվանդությունների հիվանդացության, մահացության և զարգացման ռիսկի գործոնների վերաբերյալ,, և Վայոց ձորի մարզում 2016-2018թթ. արձանագրված թունաքիմիկատներով թունավորումների հիվանդացության և 2018 թվականի դրանց կանխարգելման մասին համատեղ նիստը:
Նիստին մասնակցում էին ՀՀ Վայոց ձորի մարզպետարանի աշխատակազմի առողջապահության և սոցիալական ապահովության վարչության պետի տեղակալ Լիլիա Կարապետյանը, մարզպետարանի աշխատակազմի համապատասխան ստողաբաժանումների ղեկավարներ և աշխատակիցներ, Վայոց ձորի մարզի բժշկական կազմակերպությունների տնօրեններ:
Զեկուցմամբ հանդես եկավ ՀՎԿԱԿ ՊՈԱԿ Վայոց ձորի մսանաճյուղի բժիշկ-համաճարակաբան Ե. Շիրինյանը` ներկայացնելով առավել տարածված վարակիչ հիվանդությունների հիվանդացության, մահացության, զարգացման ռիսի գործոնները, ինչպես նաև հանրապետությունում բնակչության մահացության պատճառների կառուցվածքը: Ե. Շիրինյանը նշեց, որ, 2016 թվանականի համեմատությամբ, իրազեկման աշխատանքների պատշաճ ձևով կազմակերպման շնորհիվ 2017 թվականի ընթացքում կրճատվել, իսկ 2018 թվականի անցած ժամանակահատվածում թունաքիմիկատներով թունավորման դեպքեր չեն գրանցվել:
Քննարկման արդյունքում որոշվեց շարունակել թունվորումները կանխարգելելու և թունաքիմիկատներից պաշտպանվելու վերաբերյալ բնակչության շրջանում իրազեկման աշխատանքները, ինչպես նաև պատշաճ հսկողություն սահմանել թունաքիմիկատների պահպանման, տեղափոխման, կիրառման և անվտանգության կանոնների պահպանման նկատմամբ:
