Վայոց ձորի մարզպետի աշխատակազմ

  Այսօր՝ ապրիլի 5-ին, կայացավ ՀՀ Վայոց ձորի մարզպետարանի ներքին աուդիտի կոմիտեի 2018 թվականի հերթական նիստը` կոմիտեի նախագահ, ՀՀ Վայոց ձորի մարզպետ Հարություն Սարգսյանի գլխավորությամբ: Նիստին մասնակցում էին Ներքին աուդիտի կոմիտեի անդամներ՝ մարզպետի տեղակալներ՝ Սամվել Թարվերդյանը, Մելս Հարությունյանը և իրավաբանական բաժնի պետ Նարինե Մաղաքյանը: Նիստը քարտուղարում էր ՀՀ Վայոց ձորի մարզպետարանի աշխատակազմի ներքին աուդիտի բաժնի պետ Վասակ Կարապետյանը:
Նիստին մասնակցում էին նաև մարզպետարանի աշխատակազմի ղեկավար Կամո Սահակյանը, աշխատակազմի համապատասխան ստորաբաժանումների, Վայքի և Եղեգնաձորի սոցիալական աջակցության տարածքային գործակալությունների ղեկավարները:
Օրակարգում ներառված էր՝ 2018թ.-ի ներքին աուդիտի հաստատված ծրագրով <<Մալիշկայի թիվ 1 միջնակարգ դպրոց>>,<<Հորսի հիմնական դպրոց>>, <<Սալլիի հիմնական դպրոց>>, <<Թառաթումբի միջնակարգ դպրոց>>, <<Քարագլխի միջնակարգ դպրոց>> ՊՈԱԿ-ներում անցկացված ֆինանսական աուդիտի հաշվետվությունների ներկայացումը:
Հարցերի վերաբերյալ զեկուցումով հանդես եկավ մարզպետարանի աշխատակազմի ներքին աուդիտի բաժնի պետ Վասակ Կարապետյանը:
Քննարկվող հարցի վերաբերյալ արտահայտվեցին Ներքին աուդիտի կոմիտեի նախագահ, ՀՀ Վայոց ձորի մարզպետ Հարություն Սարգսյանը, անդամներ Սամվել Թարվերդյանը, Նարինե Մաղաքյանը:
Նիստը որոշեց`
1. Ներքին աուդիտի կոմիտեին՝ աուդիտի հաշվետվություններում արձանագրված թերությունների և խախտումների վերացման ուղղությամբ իրականացնել խորհրդատվություն:
Հանձնարարել
2. ՊՈԱԿ-ների տնօրեններին՝ թույլ չտալ տարեվերջյան դրամական կուտակումներ, նախահաշվով նախատեսված, ըստ տնտեսագիտական հոդվածների, գումարներից ավել ծախսումներ: Հորսի հիմնական դպրոցում հետ վերադարձնել մատակարարին ավել փոխանցված գումարը: Միջոցներ ձեռնարկել ուսուցիչների միջին ծանրաբեռնվածության ավելացման ուղղությամբ: