Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Վայոց ձորի մարզում մեկնարկեց ձմեռային զորակոչը

12.01.2018

 Այսօր՝ հունվարի 12-ին, Վայոց ձորի մարզում մեկնարկեց 2018 թվականի ձմեռային զորակոչը: Եղեգնաձորի և Վայքի զինվորական կոմիսարիատներից նորակոչիկների առաջին հավաքի մասնակիցները մեկնեցին համալրելու Հայոց բանակում ծառայող իրենց զինակից եղբայր-զինվորների շարքերը: Նորակոչիկներին բանակ ճանապարհելու միջոցառումները կազմակերպվեցին Եղեգնաձորի Սուրբ Աստվածածին և Վայքի Սուրբ Տրդատ եկեղեցիներում:
Եղեգնաձորում նրանց բարեմաղթանքի խոսքեր, բարի ճանապարհ ու անվտանգ ծառայություն է մաղթել ՀՀ Վայոց ձորի մարզպետի տեղակալ Մելս Հարությունյանը, իսկ Վայքում՝ մարզպետի խորհրդական Վասիլ Ասլանյանը: Բարեմաղթանքի ջերմ խոսքեր են հնչեցրել նաև ՀՀ ՊՆ 4-րդ բանակային կորպուսի հրամանատար, գնդապետ Վալերի Քոչարյանը, տարածքային զինկոմիսարները, համայնքի ղեկավարներ և վետերաններ: Զինակոչիկների անվտանգության համար առ Աստված օրհնության խոսք են ուղղել Եղեգնաձորի Սուրբ. Աստվածածին եկեղեցու հոգևոր հովիվ Տեր Վազգեն քահանա Հովհաննիսյանը և Վայքի Սուրբ Տրդատ եկեղեցու հոգևոր հովիվ Տեր Սեպուհ քահանա Հարությունյանը: Միջոցառման ավարտին տղաներն ստացել են նվերներ՝ խաչեր և աղոթագրքեր:
2018 թվականի առաջին զորակոչին Հայոց բանակ մեկնող վայոցձորցի նորակոչիկների հիշողություններում դեռ երկար ժամանակ արձագանքելու են հանդիսավոր միջոցառման ժամանակ հնչած բարեմաղթանքի ջերմ խոսքերը, ճանապարհողների հուզախառն ժպիտները և հայրենասիրական ու ազգագրական երգ-երաժշտության ուրախ հնչյունները:
Մենք նույնպես միանում ենք բոլոր բարեմաղթանքներին և կրկին մաղթում՝ մեր երկրի սահմաններին խաղաղություն, հայ զինվորին, այդ թվում նաև 2018 թվականի զորակոչի բոլոր նորակոչիկներին անվտանգ ու բարի ծառայություն:

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2018-06-25 17:34:10