Վայոց ձորի մարզպետի աշխատակազմ

Այսօր ՀՀ Վայոց ձորի մարզպետ Հարություն Սարգսյանի մոտ կայացավ գործակարգավարական հերթական խորհրդակցությունը, որին մասնակցում էին մարզպետի տեղակալները, մարզպետարանի աշխատակազմի ղեկավարը և աշխատակազմի ստորաբաժանումների ղեկավարները:
Նախորդ շաբաթվա ընթացքում իրենց ղեկավարած ստորաբաժանումներում իրականացված աշխատանքների վերաբերյալ հակիրճ հաղորդումներով հանդես եկան մարզպետարանի աշխատակազմի ստորաբաժանումների ղեկավարները, ինչպես նաև ներկայացրին նաև ընթացիկ շաբաթվա ընթացքում իրականացվելիք ծրագրերն ու աշխատաքները:
Աշխատակազմի քաղաքաշինության վարչության պետի կողմից ներկայացվեց հրատապ խնդիրների լուծման ծրագրով մարզում իրականացվող շին-աշխատանքների ընթացքը, սպասվելիք շինաշխատանքների նախագծերի համար հայտարարված մրցույթ արդյունքների ամփոփման օրը և ավարտված օբյեկտների ցանկը: Մարզպետ Հ. Սարգսյանն  քաղաքաշինության վարչության պետին առաջարկեց միասին այցելել նշված օբյեկտները, ավարտաված աշխատանքների որակին ծանոթանալու նպատակով: Քաղաքաշինության վարչության պետը ներկայացրեց նաև, որ վարչության աշխատակիցների կողմից կատարվում է մարզի տարածքով անցնող մայրուղու ճանապարհամերձ տարածքում առկա կիսակառույց և անավարտ շինարարական օբյեկտների գույքագրումը:
Այնուհետև քննարկվեց մարզում արտադրված դեղձի և խաղողի մթերումների ընթացքին, գյուղատնտեսական վարկերի սուբսիդավորման հարցերին, <<Մաքուր Հայաստան>> ծրագրի շրջանակում իրականացվող աշխատանքներին, իրավական և մասնագիտական հսկողության խնդիրներին, համայնքների բյուջեներին ամրագրված սեփական եկամուտների հավաքագրմանը, մարզային առողջապահական կազմակերպություններում վճարովի ծառայությունների դիմաց գանձվող գումարների հավաքագրման ընթացքին, մարզային բուժհատատություններում սկրինինգային ուսումնասիրություններին, <<Տարվա ուսուցիչ>> մրցույթի կազմակերչական աշխատանքներին, <<Կրթության որակի բարձրացման ծրագրի>> հարցաշարին, Ուսուցչի օրվան նվիրված միջոցառումներին, <<Դիպուկ հրաձիգ>> մրցույթի հանրապետական փուլի մասնակցության ապահովմանը վերաբերող հարցեր:
Քննարկվեց ՀՀ օրենսդրությանը չհամապատասխանող ավագանիների որոշումների հետ վերադարձման հարցը: ,
Խոսվեց   զարգացման ծրագրերով տրված վարկերի միջոցներով մարզում գործող  ձեռնարկությունների գործունեությունն  ընդլայնելու  արդյունքներից: Ներկայացվեց  ներքին աուդիտի բաժնի ուսումնասիրություններին, հողօգտագործման հետ կապված խնդիրներին և որդեգրման գործընթացին վերաբերող հարցեր:
Հ. Սարգսյանը հանձնարարեց զարգացման ծրագրերի և վերլուծության բաժնի պետին՝ մշակել և ներկայացնել Հայ-ռուսական միջտարածաշրջանային 6-րդ համաժողովի շրջանակում ՀՀ Վայոց ձորի մարզ ժամանող ՌԴ համագործակից մարզերի՝ Արխանգելսկի և Նիժնի Նովգորոդի պատվիրակության անդամների ընդունելության օրակարգը: