Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանդիպում Վայոց ձորի օրգանական գյուղատնտեսությամբ զբաղվող խմբերի հետ
10.07.2017
Սույն թվականի հուլիսի 8-ին Վայոց ձորի մարզպետարանի նիստերի դահլիճում, ՀՀ Վայոց ձորի մարզպետի տեղակալ Սամվել Թարվերդյանի մասնակցությամբ տեղի է ունեցել հանդիպում-աշխատաժողով մարզի 70-ից ավելի ֆերմերների, օրգանական գյուղատնտեսությամբ զբաղվող խմբերի, օրգանական արժեշղթայի բոլոր շահագրիգիռ կողմերի ներկայացուցիչների հետ: Հանդիպումն անցկացվել է Եվրոպական միության կողմից ֆինանսավորվող և Ավստրիական զարգացման գործակալության կողմից համաֆինանսավորվող ու իրականացվող Օրգանական գյուղատնտեսության աջակցության նախաձեռնության (ՕԳԱՆ) ծրագրի շրջանակում:
Հանդիպման բացման խոսքով հանդես է եկել մարզպետի տեղակալ Ս. Թարվերդյանը, իսկ բանախոս <<Կանաչ արահետ>> ՀԿ նախագահ Նունե Սարուխանյանը ներկայացրել է հանդիպման նպատակը: Ըստ որի՝ նպատակ է դրվել՝ փորձառու մասնագետների օգնությամբ բացահայտել օրգանական գյուղատնտեսությանն անցում կատարելու հնարավորություններն ու առավելությունները, օրգանական մթերքների արտադրության ողջ շղթան՝ արտադրությունից մինչև սպառում, օրգանական արտադրանքի հավաստագիր ստանալու բոլոր փուլերը: Հանդիպման ընթացքում քննարկվել են առողջ բնություն, առողջ սնունդ, նոր շուկաներ, բարձր եկամուտներ թեմաները, ինտերակտիվ հարցաշարերի և խաղ-մրցույթների միջոցով:
ՕԳԱՆ ծրագրի նպատակն է աջակցել Հայաստանում մրցունակ օրգանական գյուղատնտեսության փորձի ներդրմանը՝ նպաստելով գյուղական համայնքների կայուն զարգացմանը:
