Վայոց ձորի մարզպետի աշխատակազմ

    Հարգելի բուժաշխատողներ:

   Ջերմորեն շնորհավորում եմ Ձեզ մասնագիտական տոնի կապակցությամբ:
Բժշկի մասնագիտությունն ամենամարդասիրական մասնագիտությունն է, քանզի  մարդու առողջության պահպանման կարևորագույն գործն իրականացնում են բժիշկները և առողջապահության ոլորտի մյուս աշխատողները:

    Դուք եք  հույս ներշնչում օգնության կարիք ունեցող հիվանդներին՝ հավատալու հիվանդությունը հաղթահարելու դժվարին ճանապարհի վերջին ակնկալվող լույսին: Դուք եք  կյանք պարգևում մարդկանց, ապահովելով լույս աշխարհ եկող մանուկների ու նրանց լույս աշխարհ բերող մայրերի կայուն առողջությունը: Յուրաքանչյուր անձ աշխարհ գալու իր առաջին ճիչն արձակում է ուղղակիորեն ձեր հոգատար ափերի մեջ:

Մասնագիտական տոնը ևս   մեկ առիթ է,  գնահատելու  և շնորհակալության խոսքեր ասելու ձեզ՝ ձեր անքուն գիշերների և  հիվանդի կյանքի համար մղվող  տագնապով լեցուն անցկացրած յուրաքանչյուր վայրկանի համար: Շնորհակալություն Ձեզ, ամենաշնորհակալ Ձեր գործունեության համար:

    Ցանկանում եմ սիրով ու խորին հարգանքով մասնագիտական տոնի կապակցությամբ առաջնահերթորեն առողջություն մաղթել հենց ձեզ, որպեսզի դուք կարողանաք լիարժեքորեն իրականացնել ամենամարդասիրական ու պատասխանատու առաքելությունը՝ մարդկանց առողջության պահպանումը:

   Վայոց ձորի մարզի հարգելի բուժաշխատողներ, համոզված եմ, որ դուք անելու եք հնարավոր ամեն բան, մեր մարզի ազգաբնակչության բուժսպասարկումը պատշաճորեն իրականացնելու, ինչպես նաև սպասարկման ծառայությունների որակը շարունակական կերպով բարելավելու նպատակով:

   Դուք էլ համոզվա՛ծ եղեք, որ  մարզային իշխանություններն էլ իրենց հերթին, օգտվելով առողջապահության բնագավառում նախատեսված ՀՀ կառավարության  բարեփոխումների ծրագրի ընձեռած հնարավորությունից, հնարավոր բոլոր քայլերը կձեռնարկեն ՝ Վայոց ձորի մարզային առողջապահական կազմակերպություններում աշխատանքային պայմանները բարելավելու և  դրանք բժշկական ժամանակակից սարքավորումներով վերազինելու ուղղությամբ:

   Հարգելիներս, կրկին շնորհավորում եմ ձեզ Բուժաշխատողի օրվա կապակցությամբ և մաղթում եմ  առողջություն ու անձնական երջանկություն, աշխատանքային հաջողություններ և մասնագիտական նորանոր ձեռքբերումներ: