Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
<<Կենգուրու 2017>>, <<Մեղու 2017>> և<<Ռուսական արջուկ 2017>> միջազգային մրցույթների վայոցձորյան դպրոցների մասնակիցներն արժանացան պարգևների
07.06.2017
Այսօր Եղեգնաձորի ավագ դպրոցի դահլիճում ՀՀ Վայոց ձորի մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանի մասնակցությամբ տեղի ունեցավ Վայոց ձորի մարզից "Կենգուրու 2017", "Մեղու 2017>", "Ռուսական արջուկ 2017" միջազգային մրցույթին մասնակցած աշակերտների հանդիպումը կազմակերպիչների` "Այբ" կրթական հիմնադրամի, ներկայացուցիչների հետ:
Հանդիպմանը մասնակցում էին ամենաբարձր միավորներ ապահոված մրցանակակիր երեխաները: Հանդիպմանը ներկա էին դպրոցների ներկայացուցիչներ, մաթեմատիկայի ուսուցիչներ, ծնողներ:
Հանդիպումը բացեց և մրցույթի մասնակիցներին ողջունեց ծրագրի ղեկավար Շուշան Կարապետյանը:
Մարզպետարանի աշխատակազմի կրթության, մշակույթի և սպորտի վարչության պետը ողջունեց մասնակիցներին և շնորհակալություն հայտնեց կազմակերպիչներին, իր խոսքում կարևորելով առարկայական իմացության խորացման ու կայուն գիտելիքների ձեռք բերման հարցում նշված միջազգային մրցույթների ամենամյա կազմակերպումը:
Աշակերտներին տրվեցին նվերներ և պատվոգրեր, ինչպես նաև մասնակցության հավաստագրեր:
Նշենք, որ մրցույթի բացառիկ կազմակերպիչն է <<Այբ>> կրթական հիմնադրամը: Այն անցկացվում է Հայաստանում՝ ՀՀ ԿԳ, Արցախում՝ ԱՀ ԿԳ նախարարությունների հովանու ներքո:
