Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Գործակարգավարական հերթական խորհրդակցությունը ՀՀ Վայոց ձորի մարզպետարանում
06.06.2017
Երեկ ՀՀ Վայոց ձորի մարզպետ Հարություն Սարգսյանի մոտ կայացավ գործակարգավարական հերթական խորհրդակցությունը, որին մասնակցում էին մարզպետի տեղակալները, մարզպետի խորհրդականը և աշխատակազմի ստորաբաժանումների պետերը:
Մարզպետարանի աշխատակազմի վարչությունների և բաժինների ղեկավարները նախորդ շաբաթվա ընթացքում իրենց ղեկավարած ստորաբաժանումներում իրականացված աշխատանքների վերաբերյալ հանդես եկան հակիրճ հաղորդումներով: Ստորաբաժանումների ղեկավարները նաև ներկայացրին ընթացիկ շաբաթվա համար ծրագրած աշխատանքները:
Խորհրդակցությանը քննարկվեցին հրատապ խնդիրների լուծման ծրագրով մարզում իրականացվելիք աշխատանքներին, համայնքներում տրվող շինթույլտվություններին, <<Մաքուր Հայաստան>> ծրագրի գործողությունների շարունակականության ապահովմանը, պետական աջակցության ծրագրով մարզ ներկրվելիք պարարտանյութի և դիզելային վառելանյութի բաշխմանը, ՀՀ ԳՆ –ի և <<Խաղողագործների հիմնադրամի>> կողմից ս/թ հունիսի 7-ին մարզպետարանում կազմակերպվելիք միջոցառման նախապատրաստական աշխատանքներին, համայնքների բյուջեներին ամրագրված սեփական եկամուտների հավաքագրմանը, մարզային առողջապահական կազմակերպություններում իրականացվող սկրինինգային հետազոտությունների ընթացքին, ազգաբնակչությանը հատկացվող հրատապ օգնությանը, միասնական և ավարտական քննություններին, դպրոցականների ամառային հանգստի կազմակերպմանը, ավտոճանապարհներին ընթացիկ վերանորոգումներին և փոսալցման աշխատանքներին, ՀՀ ՎՁ մարզպետարանի ներքին աուդիտի բաժնի կողմից մարզպետարանի ենթակայությամբ գործող կազմակերպություններում իրականացվելիք ուսումնասիրության ընթացքին, հողօգտագործման բնագավառին, Մալիշկա համայնքում առանց մայրական խնամքի մնացած անչափահաս երեխաների հետագա խնամքը <<ՍՕՍ մանկական գյուղեր>> ՀԲՀ-ում կազմակերպելու խնդիրներին վերաբերող հարցեր:
Մարզպետը հանձնարարեց մարզպետի տեղակալ, <<Մաքուր Հայաստան>> ծրագրի աշխատանքներն իրականացնող մարզային հանձնաժողովի նախագահ Սամվել Թարվերդյանին՝ ուշադրության կենտրոնում պահել ծրագրի շրջանակում իրականացվելիք աշխատանքները, իսկ աշխատակազմի գյուղատնտեսության և բնապահպանության վարչության պետին՝ ապահովել շաբաթ և կիրակի օրերին մայրաքաղաքում կազմակերպվելիք տոնավաճառներին մարզի գյուղացիական տնտեսությունների մասնակցությունը:
Խորհրդակցության ավարտին մարզի ղեկավարը մարզպետարանի աշխատակազմի ստորաբաժանումների ղեկավարներին համապատասխան հանձնարարականներ տվեց ՝ ուղղված նրանց կողմից ղեկավարվող ոլորտների խնդիրների լուծմանը:
