Վայոց ձորի մարզպետի աշխատակազմ

  Այսօր ՀՀ Վայոց ձորի մարզպետ Հարություն Սարգսյանի մոտ կայացավ գործակարգավարական հերթական խորհրդակցությունը, որին մասնակցում էին մարզպետի տեղակալները, մարզպետի խորհրդականը, մարզպետարանի աշխատակազմի ղեկավարը և աշխատակազմի ստորաբաժանումների պետերը:
Մարզպետարանի աշխատակազմի վարչությունների և բաժինների ղեկավարները հանդես եկան նախորդ շաբաթվա ընթացքում իրենց ղեկավարած ստորաբաժանումներում իրականացված աշխատանքների վերաբերյալ հակիրճ հաղորդումներով և ներկայացրին ընթացիկ շաբաթվա համար ծրագրած աշխատանքները:
Խորհրդակցությանը քննարկվեցին հրատապ ծրագրերով նախատեսվող աշխատանքների նախագծերի կազմանը, ոչ գազաֆիկացված համայնքներին, բնակարան չունեցող բազմազավակ ընտանիքների հաշվառմանը, պետական աջակցության ծրագրով մարզ ներկրվելիք պարարտանյութերի, գարնանացան գարու սերմացուի և դիզելային վառելանյութի քանակին և բաշխման ժամանակացույցին, համայնքների բյուջեներին ամրագրված սեփական եկամուտների հավաքագրմանը, գնումների գործընթացին, առողջապահության, կրթության և մշակույթի ոլորտներին, դպրոցական առարկայական օլիմպիադաների հանրապետական փուլի վայոցձորցի երեխաների մասնակցության ապահովմանը, համայնք-մասնավոր հատված համագործակցությանը, գործառնական ծրագրերին, մարզի ավտոճանապարհների փոսային նորոգումների աշխատանքներին, մարզային ենթակայության հաստատություններում աուդիտի անցկացմանը, հողօգտագործման բնագավառին, ընտանիքի, կանանց և երեխաների իրավունքների պաշտպանության խնդիրներին վերաբերող հարցեր:
Մարզպետը հանձնարարեց գյուղատնտեսության և բնապահպանության վարչության պետին՝ ներկայացնել մարզում գյուղոլորտի զարգացման վերաբերյալ իրենց վարչության տեսլականը, իսկ ընտանիքի, կանանց և երեխաների իրավունքների պաշտպանության բաժնի պետին՝ հայտնաբերել սոցիալապես անապահով ընտանիքներին, որոնք ընդգրկված չեն նպաստառուների ցուցակում, նրանց խնդիրների վերաբերյալ քննարկում կազմակերպել բաժնի աշխատողների հետ և փորձել նման ընտանիքներին ներառել սոցիալական տարբեր ծրագրերում:
Վերջում մարզի ղեկավարը մարզպետարանի աշխատակազմի ստորաբաժանումների ղեկավարներին տվեց համապատասխան հանձնարարականներ՝ ուղղված նրանց կողմից ղեկավարվող ոլորտների խնդիրների լուծմանը: