Տեղեկատվական կենտրոն
Նորություններ
Կայացավ գործակարգավարական հերթական խորհրդակցությունը
04.04.2017
ՀՀ Վայոց ձորի մարզպետ Հարություն Սարգսյանի մոտ կայացավ գործակարգավարական հերթական խորհրդակցությունը, որին մասնակցում էին մարզպետի տեղակալները, մարզպետի խորհրդականը, մարզպետարանի աշխատակազմի ղեկավարը և աշխատակազմի ստորաբաժանումների պետերը:
Նախորդ շաբաթվա ընթացքում իրականացված աշխատանքների վերաբերյալ հակիրճ հաղորդումներով հանդես եկան մարզպետարարնի աշխատակազմի վարչությունների և բաժինների ղեկավարները և ներկայացրին իրենց ղեկավարած ստորաբաժանումներում ընթացիկ շաբաթվա համար ծրագրած աշխատանքները:
Խորհրդակցությանը քննարկվեցին հրատապ ծրագրերին, գյուղացիական տնտեսությունների կողմից ձեռք բերված աշնանացան սերմացուի պարտքերի վերադարձման և գարնանացան գարու սերմի բաշխման խնդիրներին, դպրոցական առարկայական օլիմպիադաների հանրապետական փուլի մասնակցությանը, համայնքների աշխատակազմերում իրավական հսկողության կազմակերպմանը, մշակութային միջոցառումների կազմակերպմանը, տեղական տուրքերի հավաքագրմանը, գնումների գործընթացին վերաբերող հարցեր:
Մարզի ղեկավարը վերջում մարզպետարանի աշխատակազմի ստորաբաժանումների ղեկավարներին տվեց համապատասխան հանձնարարականներ՝ ուղղված նրանց կողմից ղեկավարվող ոլորտների խնդիրների լուծմանը: