Վայոց ձորի մարզպետի աշխատակազմ

Այսօր ՀՀ Վայոց ձորի մարզպետ Հարություն Սարգսյանի մոտ տեղի ունեցավ հանդիպում, ուր քննարկվեց Հնդկաստանի կառավարության կողմից Վայոց ձորի մարզի հանրակրթական 50 դպրոցներին նվիրած համակարգչային տեխնիկայի տեղաբաշխմանը և տեղադրմանը վերբերող հարցեր:
Հանդիպմանը մասնակցում էին <<Հայաստան>> համակայկական հիմնադրամի ներկայացուցիչներ՝ հիմնադրամի արտաքին կապերի բաժնի պետ Վարդան Փարթամյանը, նույն բաժնի աշխատակիցներ Մարիամ Զենջիրջյանը, Էվելինա Սարդարյանը և Հնդկաստանի Հանրապետությունից ժամանած ցանցի տեղադրման մասնագետ Սանդիփ Չուխան:
Հանդիպմանը ներկա էին մարզպետի տեղակալ Մելս Հարույունյանը և մարզպետարանի աշխատակազմի կրթության մշակույթի և սպորտի վարչության պետ Արփիար Ղազարյանը:
Մարզպետ Հ. Սարգսյանը ողջունեց հյուրերին և հայտնեց ծրագրին ամեն կերպ աջակցելու իր պատրաստակամությունը: Մարզպետը հավաստեց, որ ցանցի տեղադրման աշխատանքների ողջ ընթացքում հնդիկ մասնագետներին կաջակցեն մարզի դպրոցների տնօրենները և նրանց անձնակազմի աշխատակիցները:
Նշեց, որ մարզի բոլոր դպրոցներում, որտեղ ուսանում է շուրջ 6800 աշակերտ, կհիմնվեն համակարգչային դասասենյակներ: Դասասենյակները կհամալրվեն անհրաժեշտ կահույքով և համակարգչային տեխնիկայով, որի նպատակով մարզ է բերվել ընդհանուրը՝ 347 համակարգիչ և 50 տպիչ: Ծրագիրը կիրականացվի մեկամսյա ժամկետում:
Մարզպետն ամփոփիչ խոսքում շնորհակալություն հայտնեց Հնդկաստանի կառավարությանը նման ձեռնարկի համար, իսկ ծրագրին մաղթեց հաջողություն: Նա նշեց, որ բարեսիրական այս ծրագիրը կնպաստի աշակերտների ուսման որակի բարձրացմանը:
Հյուրերը մարզպետ Հ. Սարգսյանին շնորհակալություն հայտնեցին ցուցաբերած աջակցության համար: