Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Կայացավ գործակարգավարական հերթական խորհրդակցությունը
06.02.2017
Այսօր ՀՀ Վայոց ձորի մարզպետ Հարություն Սարգսյանի մոտ կայացավ գործակարգավարական հերթական խորհրդակցությունը, որին մասնակցում էին մարզպետի տեղակալները, մարզպետի խորհրդականը, մարզպետարանի աշխատակազմի ղեկավարը և աշխատակազմի ստորաբաժանումների պետերը:
Մարզպետարարնի աշխատակազմի վարչությունների և բաժինների ղեկավարները ներկայացրին ընթացիկ շաբաթվա համար ծրագրած աշխատանքները և հանդես եկան
իրենց ղեկավարած ստորաբաժանումներում նախորդ շաբաթվա ընթացքում իրականացված աշխատանքների վերաբերյալ հակիրճ հաղորդումներով:
Խորհրդակցությանը քննարկվեցին ջրամատակարարման աշխատանքներին, Վայքի բազմաբնակարան շենքերի վերականգնվող էլէներգիայի ծրագրին, դատական կարգով գյուղացիական տնտեսությունների կողմից ձեռք բերված աշնանացան սերմացուի պարտքերի վերադարձման խնդիրներին, 2010-2017 թթ. մարզի համայնքների կողմից ձեռք բերված գյուղտեխնիկայի և գյուղգործիքների հաշվառման հարցերին, առողջապահական հաստատությունների ֆինանսական առողջացմանը, հանրակրթական հաստատությունների գործադիր տնօրենների ընտրություններին, դպրոցական առարկայական օլիմպիադաների ներդպրոցական և տարածաշրջանային փուլերի կազմակերպման աշխատանքներին, համայնքային և ներհամայնքային ճանապարհների վիճակին, համայնքներում հողօգտագործման ոլորտի խնդիրներին, մարզային զարգացման ռազմավարական ծրագրին, ընտանիքի, կանանց և երեխաների պաշտպանության խնդիրներին, տեղական տուրքերի հավաքագրման գործընթացին վերաբերող հարցեր:
Մարզպետ Հ. Սարգսյանը վերջին հարցի վերաբերյալ հանձնարարություն տվեց աշխատակազմի ֆինանսական և սոցիալ զարգացման վարչության պետին՝ ուշադրություն դարձնել համայնքնային բյուջեների տեղական տուրքերի հավաքագրման գործընթացին, որպեսզի ապահովվի 10- 20 տոկոս աճ:
Վերջում մարզի ղեկավարը մարզպետարանի աշխատակազմի ստորաբաժանումների ղեկավարներին տվեց համապատասխան հանձնարարականներ՝ ուղղված նրանց կողմից ղեկավարվող ոլորտների խնդիրների լուծմանը:
