Վայոց ձորի մարզպետի աշխատակազմ

 Այսօր ՀՀ Վայոց ձորի մարզպետ Հարություն Սարգսյանի մոտ կայացավ գործակարգավարական հերթական խորհրդակցությունը, որին մասնակցում էին մարզպետի տեղակալները, մարզպետի խորհրդականը, մարզպետարանի աշխատակազմի ղեկավարը և աշխատակազմի ստորաբաժանումների պետերը:
Մարզպետարանի ստորաբաժանումների ղեկավարները հանդես եկան նախորդ խորհրդակցության ընթացքում արձանագրված հանձնարարականների կատարման ընթացքի, անցած շաբաթվա ընթացքում կատարած աշխատանքների և ընթացիկ շաբաթվա ընթացքում իրականացվելիք ծրագրերի մասին հաղորդումով:
Խորհրդակցությանը քննարկվեցին ճանապարհների ձմեռային պահպանության աշխատանքներին, գյուղացիական տնտեսությունների կողմից ձեռք բերված սերմացուի պարտքերի վերադարձման ընթացքին, առողջապահական և կրթական  ոլորտների խնդիրներին,  մարզային զարգացման ռազմավարության վերլուծությանը, աուդիտի ուսումնասիրություններին, հողօգտագործման խնդիրներին և համայնքների զարգացման հնգամյա ծրագրերին առնչվող հարցեր:
Մարզպետ Հ. Սարգսյանը մարզպետարանի աշխատակազմի զարգացման ծրագրերի և վերլուծության բաժնի պետին ՀՀ Վայոց ձորի մարզի զարգացման ռազմավարության մշակման գործընթացին վերաբերող հանձնարարություններ տվեց:
Խորհրդակցության ամփոփիչ խոսքում մարզի ղեկավարը մարզպետարանի աշխատակազմի ստորաբաժանումների ղեկավարներին տվեց համապատասխան հանձնարարականներ՝ ուղղված նրանց կողմից ղեկավարվող ոլորտներում խնդիրների լուծմանը: