Վայոց ձորի մարզպետի աշխատակազմ

 2016 թվականի դեկտեմբերի 6-ին կայացավ ՀՀ Վայոց ձորի մարզպետարանի ներքին աուդիտի կոմիտեի նիստը` կոմիտեի նախագահ Հարություն Սարգսյանի գլխավորությամբ: Նիստին մասնակցում էին Ներքին աուդիտի կոմիտեի անդամներ՝ մարզպետի տեղակալներ՝ Սամվել Թարվերդյանը, Մելս Հարությունյանը և իրավաբանական բաժնի պետ Նարինե Մաղաքյանը: Նիստը քարտուղարում էր ՀՀ Վայոց ձորի մարզպետարանի աշխատակազմի ներքին աուդիտի բաժնի պետ Վասակ Կարապետյանը:
Նիստին մասնակցում էին նաև մարզպետարանի աշխատակազմի ղեկավար Կամո Սահակյանը, աշխատակազմի համապատասխան ստորաբաժանումների ղեկավարները և մարզային ենթակայության այն հաստատությունների ղեկավարները, որտեղ իրականացվել է ֆինասական աուդիտ:
Օրակարգում ներառված էր՝ 2016թ.-ի ներքին աուդիտի հաստատված ծրագրով <<Կարմրաշենի միջնակարգ դպրոց>>,<<Խնձորուտի միջնակարգ դպրոց>>, <<Մոզրովի հիմնական դպրոց>>, <<Եղեգնաձորի երկրագիտական թանգարան>> ՊՈԱԿ-ներում իրականացված ֆինանսական աուդիտի և <<Եղեգնաձորի երկրագիտական թանգարան>> ՊՈԱԿ-ում մշակույթային միջոցառումների ֆինանսական աուդիտի հաշվետվությունների ներկայացում
Հարցերի վերաբերյալ զեկուցումով հանդես եկավ մարզպետարանի աշխատակազմի ներքին աուդիտի բաժնի պետ Վասակ Կարապետյանը:
Քննարկվող հարցերի շուրջ արտահայտվեցին Ներքին աուդիտի կոմիտեի նախագահ, ՀՀ Վայոց ձորի մարզպետ Հարություն Սարգսյանը, անդամներ Սամվել Թարվերդյանը և Մելս Հարությունյանը, Նարինե Մաղաքյանը:
Նիստը ո ր ո շ ե ց`
Առաջարկել՝
1.Ներքին աուդիտի բաժնին՝ աուդիտի հաշվետվություններում արձանագրված թերությունների և խախտումների վերացման ուղղությամբ իրականացնել խորհրդատվություն:
Հանձնարարել՝
1. ՊՈԱԿ-ների տնօրեններին: Ողջամիտ ժամկետներում վերացնել աուդիտի հաշվետվություններով արձանագրված թերությունները և խախտումները: 1ամսյա պարբերականությամբ ներկայացնել տեղեկատվություն հանձնարարականների կատարման վերաբերյալ:
2.Մարզպետարանի աշխատակազմի կրթության, մշակույթի և սպորտի վարչությանը, որպես պատվիրատուի պատասխանատու ստորաբաժանում, մշակույթային միջոցառումների կատարման համար սահմանել ժամկետներ: