Վայոց ձորի մարզպետի աշխատակազմ

 2016 թվականի հոկտեմբերի 15-ին կայացավ ՀՀ Վայոց ձորի մարզպետարանի ներքին աուդիտի կոմիտեի նիստը` կոմիտեի նախագահ Հարություն Սարգսյանի գլխավորությամբ: Նիստին մասնակցում էին Ներքին աուդիտի կոմիտեի անդամներ՝ մարզպետի տեղակալներ՝ Սամվել Թարվերդյանը, Մելս Հարությունյանը և իրավաբանական բաժնի պետ Նարինե Մաղաքյանը: Նիստը քարտուղարում էր ՀՀ Վայոց ձորի մարզպետարանի աշխատակազմի ներքին աուդիտի բաժնի պետ Վասակ Կարապետյանը:
Նիստին մասնակցում էին նաև մարզպետարանի աշխատակազմի ղեկավար Կամո Սահակյանը, աշխատակազմի համապատասխան ստորաբաժանումների ղեկավարները և մարզային ենթակայության այն հաստատությունների ղեկավարները, որտեղ իրականացվել է ֆինասական աուդիտ:
Օրակարգում ներառված էր՝ 2016թ.-ի ներքին աուդիտի հաստատված ծրագրով <<Խաչիկի միջնակարգ դպրոց>>, <<Ազատեկի միջնակարգ դպրոց>>, <<Գնդեվազի միջնակարգ դպրոց>>, <<Ջերմուկի թիվ 1 հիմնական դպրոց>>, <<Բարձրունու միջնակարգ դպրոց>>, <<Զառիթափի ԱԱՊԿ>> ՊՈԱԿ-ներում իրականացված ֆինանսական աուդիտի և մարզպետարանի աշխատակազմի 3-րդ եռամսյակի գնումների կատարողականի <<Գնումների մասին>> ՀՀ օրենքի պահանջներին համապատասխանության աուդիտի հաշվետվությունների ներկայացումը:
Հարցերի վերաբերյալ զեկուցումով հանդես եկավ մարզպետարանի աշխատակազմի ներքին աուդիտի բաժնի պետ Վասակ Կարապետյանը:
Քննարկվող հարցերի շուրջ արտահայտվեցին Ներքին աուդիտի կոմիտեի նախագահ, ՀՀ Վայոց ձորի մարզպետ Հարություն Սարգսյանը, անդամներ Սամվել Թարվերդյանը և Մելս Հարությունյանը:

Նիստը ո ր ո շ ե ց`
Առաջարկել՝
1.Ներքին աուդիտի բաժնին՝ աուդիտի հաշվետվություններում արձանագրված թերությունների և խախտումների վերացման ուղղությամբ իրականացնել խորհրդատվություն:
Հանձնարարել՝
2. ՊՈԱԿ-ների տնօրեններին: Ողջամիտ ժամկետներում վերացնել աուդիտի հաշվետվություններով արձանագրված թերությունները և խախտումները: Սեղմ ժամկետում ՀՀ պետական բյուջե փոխանցել ՀՀ պետական բյուջե փոխանցման ենթակա գումարները: 1ամսյա պարբերականությամբ ներկայացնել տեղեկատվություն հանձնարարականների կատարման վերաբերյալ:
3. Մարզպետարանի աշխատակազմի քաղաքաշինության վարչությանը, որպես պատվիրատուի պատասխանատու ստորաբաժանում, միջոցներ ձեռնարկել և ապահովել Ջերմուկ քաղաքի Արփայի կիրճի վերականգնման և հարակից տարածքների բարեկարգման աշխատանքների պայմանագրի կատարումը ամբողջ ծավալով: