Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետի մոտ կայացավ գործակարգավարական հերթական խորհրդակցությունը
14.11.2016
Այսօր ՀՀ Վայոց ձորի մարզպետ Հարություն Սարգսյանի մոտ մարզպետի տեղակալների, մարզպետի խորհրդականի, մարզպետարանի աշխատակազմի ղեկավարի և աշխատակազմի ստորաբաժանումների պետերի մասնակցությամբ կայացավ հերթական գործակարգավարական խորհրդակցությունը:
Մինչ խորհրդակցությունը սկսելը մարզպետը նշեց, որ նոյեմբերի 2-ից 12-ը եղել է Չինաստանի Ժողովրդական Հանրապետությունում և իր տպավորությունները ներկայացրեց խորհրդակցության մասնակիցներին:
Մարզպետի գործուղման մեջ գտնվելու ընթացքում մարզպետարանի գործունեության մասին հողորդումով հանդես եկավ մարզպետի տեղակալ Սամվել Թարվերդյանը, նշելով, որ ղեկավարվելով՝ ՀՀ վարչապետ Կարեն Կարապետյանի մոտ հոկտեմբերի 27-ին կայացած խորհրդակցության հանձնարարականներով, կազմակերպվել են քննարկումներ՝ մարզային զարգացման ռազմավարական ծրագրի կազման նպատակով, ներկայացվել է մարզային 7 ծրագիր, ինչպես նաև նախապատրաստական աշխատանքներ են տարվել առաջիկայում ՀՀ տարածքային կառավարման և զարգացման նախարար Դավիթ Լոքյանի մոտ կայանալիք 2017-2025թթ. ռազմավարական ծրագրի կազմանը նվիրված խորհրդակցությանն առաջարկություններ ներկայացնելու նպատակով:
Մարզպետարանի ստորաբաժանումների ղեկավարները հանդես եկան նախորդ խորհրդակցության ընթացքում արձանագրված հանձնարարականների կատարման ընթացքի, անցած շաբաթվա ընթացքում կատարած աշխատանքների և ընթացիկ շաբաթում իրականացվելիք ծրագրերի մասին հաղորդումով:
Խորհրդակցությանը քննարկվեցին մարզում իրականացվող շինվերանորոգման աշխատանքներին, աշնանացանի ընթացքին, անասնաբուժական ծառայություններին, մարզում արտադրված խաղողի մթերումներին, առողջապահության, կրթության, հողօգտագործման և հողաշինության ոլորտների խնդիրներին, ներքին աուդիտի բաժնի գործունեությանը, մարզի համայնքների սեփական եկամուտների հավաքագրմանը վերբերող հարցեր:
Մարզպետ Հ. Սարգսյանը հանձնարարեց մարզպետարանի աշխատակազմի զարգացման ծրագրերի և վերլուծության բաժնի պետին՝ իմի բերել մարզի զարգացման ծրագրի կազման նպատակով ոլորտային խմբերի ղեկավարների և պետական վիճակագրական ծառայության տարածքային կառույցների ղեկավարների հետ քննարկումների արդյունքները, դարձնելով այն մարզային զարգացման ռազմավարական ծրագրի կազման գաղափարական և տնտեսագիտական հենքը :
Վերջում մարզի ղեկավարը մարզպետարանի աշխատակազմի ստորաբաժանումների ղեկավարներին տվեց համապատասխան հանձնարարականներ՝ ուղղված նրանց կողմից ղեկավարվող ոլորտներում խնդիրների լուծմանը:
