Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Հարություն Սարգսյանի ուղերձը Տեղական ինքնակառավարման օրվա կապակցությամբ
09.11.2016
Սիրելի հայրենակիցներ,
Տեղական ինքնակառավարման օրվա կապակցությամբ սրտանց շնորհավորում եմ Վայոց ձորի մարզի բոլոր համայնքների ղեկավարներին և ՏԻՄ ներկայացուցիչներին:
Ուղիղ քսան տարի առաջ, 1996 թվականին Հայաստանի Հանրապետությունում տեղի ունեցան տեղական ինքնակառավարման մարմինների առաջին ընտրությունները և պաշտոնապես ուժի մեջ մտավ ,,Տեղական ինքնակառավարման մասին,, Հայաստանի Հանրապետության օրենքը, որը հիմք հանդիսացավ տեղական ինքնակառավարման համակարգի կայացմանը:
Իմ շնորհավորանքն եմ հղում նաև համայնքների բնակիչներին, քանզի Տեղական ինքնակառավարման օրն իրապես տոն է նաև նրանց համար, որովհետև ՏԻ մարմինները ձևավորվում են նրանց վստահության քվեով և կոչված են լուծելու համայնքի բնակիչների սոցիալական, կենսական, կրթամշակութային և համայնքային նշանակության խնդիրները:
Երկրում ժողովրդավարական համակարգի զարգացումը պայմանավորված է նաև ՏԻՄ-երի կողմից լիազորությունների լիարժեք կատարմամբ, իրավասությունների անթերի իրականացմամբ, ինչպես նաև բնակչությանը մատուցվող հանրային ծառայությունների համալիր ու պատշաճ կազմակերպմամբ, քանզի ժողովրդավարական պետությունն ուժեղ է կայացած և ուժեղ համայնքներով: Իսկ երկրի կայուն զարգացումը պայմանավորված է նաև համայնքների զարգացածության ու կազմակերպվածության հանգամանքով:
Համոզված եմ, որ տեղական ինքնակառավարման համակարգի շարունակական զարգացումը ժամանակի հետ նպաստելու է ՏԻ մարմինների առավել արդյունավետ գործունեությանը:
Եվս մեկ անգամ շնորհավորում եմ Վայոց ձորի մարզի ազգաբնակչությանը Տեղական ինքնակառավարման օրվա՝ հոբելյանական 20-րդ տարեդարձի կապակցությամբ և մաղթում եմ տեղական իշխանություններին՝ աշխատանքային բարձր պատասխանատվություն, իրավասությունները լիարժեք իրականացնելու վճռականություն՝ ի շահ մարզի համայնքների զարգացման, ի բարօրություն մեր ազգաբնակչության:
